| e-texts navigator |
| Wylie |
6a1 ཚུལ་ཁྲིམས་དང་། ཆོ་ག་དང་། ཡོན་ཏན་དང་ལྡན་པའི་དགེ་བསྙེན་འོད་དྲི་མ་མེད་པར་གྲགས་པའི་རྒྱལ་པོ་ལ་སོགས་པ་དགེ་བསྙེན་གངྒཱའི་ཀླུང་གཉིས་ཀྱི་བྱེ་མ
6a2 སྙེད་ཐམས་ཅད་ཀྱང་ཟུང་དང་ཟུང་དུ་ཤེས་པར་འདོད་པ་ཤ་སྟག་སྟེ། སྡུག་བསྔལ་བ་དང་། བདེ་བ་དང་། རྟག་པ་དང་། མི་རྟག་པ་དང་། བདག་ཡོད་པ་དང་། བདག་མེད་པ་དང་། སྟོང
6a3 པ་དང་། སྟོང་པ་མ་ཡིན་པ་དང་། དེ་ཁོ་ན་དང་། དེ་ཁོ་ན་མ་ཡིན་པ་དང་། སྐྱབས་དང་། སྐྱབས་མ་ཡིན་པ་དང་། སེམས་ཅན་དང་། སེམས་ཅན་མེད་པ་དང་། བརྟན་པ་དང་། བརྟན་པ་མ
6a4 ཡིན་པ་དང་། ཞི་བ་དང་། ཞི་བ་མ་ཡིན་པ་དང་། འདུས་བྱས་དང་། འདུས་མ་བྱས་དང་། ཐེར་ཟུག་དང་། ཐེར་ཟུག་མ་ཡིན་པ་དང་། ཡོངས་སུ་མྱ་ངན་ལས་འདས་པ་དང་། ཡོངས་སུ་མྱ
6a5 ངན་ལས་འདས་པ་མ་ཡིན་པ་ལ་སོགས་པའི་ཁྱད་པར་དང་། ཁྱད་པར་དུ་འཕགས་པ་ཤེས་པར་འདོད་པ་ཤ་སྟག་སྟེ། འདི་ལྟ་སྟེ། དགེ་བསྙེན་འོད་དྲི་མ་མེད་པར་གྲགས་པའི་རྒྱལ
6a6 པོ་ཞེས་བྱ་བ་དང་། དགེ་བསྙེན་རབ་སྦྱིན་ལ་སོགས་པ་དགེ་བསྙེན་ཐེག་པ་ཆེན་པོ་ཐོས་པར་འདོད་ལ་ཐོས་ནས་ཀྱང་གཞན་དག་ལ་བསྟན་པར་བྱའོ། །སྙམ་དུ་དམ་བཅས་ཤིང་ཚུལ་ཁྲིམས
6a7 བླངས་པ། ཐེག་པ་ཆེན་པོས་སྐོམ་ལ་ངོམས་ནས་ཀྱང་གཞན་སྐོམ་པ་དག་ངོམ་པར་བྱའོ། །སྙམ་དུ་དམ་བཅས་པ། ཐེག་པ་ཆེན་པོ་ལ་སྲེད་པ། ཐེག་པ་ཆེན་པོ་ལ་སེར་སྣ་མེད་པ། འཇིག
iiif viewer powered by OpenSeadragon
