| e-texts navigator |
| Wylie |
68b1 དཔའི་དགེ་འདུན་རང་བཞིན་གྱིས་རྣམ་པར་དག་པའོ། །ཚུལ་ཁྲིམས་འཆལ་བའི་དགེ་འདུན་རྣམ་པ་གཉིས་ཟློག་པར་བྱེད་པ་གང་ཡིན་པ་དེ་དག་ནི། སློབ་དཔོན་ཞེས་བྱའོ། །འདུལ་བ་འཛིན་པ་ཞེས་བྱ
68b2 བ་ནི། གདུལ་བར་བྱ་བའི་དབང་གིས་བསླབ་པའི་གཞི་དེ་དང་དེ་དག་ཤེས་ཏེ། རྔམས་ཆེན་པོའང་ཤེས་སོ། །རྔམས་ཆུང་དུའང་ཤེས་སོ། །འདུལ་བ་མ་ཡིན་པ་ནི། བཙན་པར་མི་བྱེད་དོ། །
68b3 འདུལ་བ་ནི། བཙན་པར་བྱེད་དོ། །འདུལ་བར་བྱ་བའི་དབང་ཇི་ལྟར་ཤེས་ཤེ་ན། བྱང་ཆུབ་སེམས་དཔའ་གདུལ་བར་བྱ་བའི་དབང་གིས་གྲོང་ཁྱེར་དུ་འགྲོ་བ་ཡོད་དོ། །དེ་ནི། བུད་མེད་དང་།
68b4 གར་མཁན་མོའི་འདུན་ཁང་དང་། ཡུགས་ས་མོའི་ཁྱིམ་དང་། སྨད་ཚོང་མའི་མ་གཏོགས་པར་ཁྱིམ་གྱི་ནང་ངམ། འདུན་ཁང་གང་དུ་འགྲོ་འདོད་ཀྱང་རུང་སྟེ། དེ་ལ་དེར་འགྲོ་བའི་དུས་ངེས་པ
68b5 མེད་དོ|་|བྱང་ཆུབ་སེམས་དཔའི་དགེ་སློང་གིས་ནི། ལོ་གྲངས་མང་པོར་ཡང་གྲོང་ཁྲོད་དུ་རྒྱུ་བར་བཟོད་ཀྱི། ཉན་ཐོས་ཀྱི་དགེ་སློང་གིས་ནི། མི་བཟོད་དོ། །རྔམས་ཆེན་པོ་དང་། རྔམས་ཆུང་དུ་ཇི་ལྟར
68b6 ཤེས་ཤེ་ན། རྔམས་ཆེན་པོ་ཞེས་བྱ་བ་ནི། དེ་བཞིན་གཤེགས་པས་དོན་གྱི་དམིགས་བྱུང་བ་གང་གཟིགས་ན་ནི། དེ་ལྟར་གཟིགས་པའི་འོག་ཏུ་ཕས་ཕམ་པ་བཞི་པོ་འདི་ལྟ་བུ་ཕྱིན་ཆད་མ་བྱེད
68b7 ཅིག་། གལ་ཏེ་ཁྱེད་ཀྱིས་བྱས་ན། རབ་ཏུ་འབྱུང་དུ་མེད་པར་འགྱུར་རོ། ཞེས་བསླབ་པའི་གཞི་འཆའ་བར་མཛད་པ་དེ་ནི། རྔམས་ཆེན་པོ་ཞེས་བྱའོ། །རྔམས་ཆུང་ངུ་ཞེས་བྱ་བ་ནི། འདི་ན་ལ
iiif viewer powered by OpenSeadragon
