| e-texts navigator |
| Wylie |
65b1 འཆང་བ་རྣམས་ཆད་པས་བཅད་པར་བཤད་པ་ནི། བདག་ཅག་གི་རྐྱེན་དུ་འཚམ་པ་ཡིན་ཏེ། མདོ་ཆེ་གེ་མོ་ཞིག་ལས་ཀྱང་རབ་ཏུ་བྱུང་བ་རྫས་ངན་པ་འཆང་བ་རྣམས་བཅོམ་ལྡན་འདས་ཀྱིས་རྒྱལ་པོ་ཆེ
65b2 གེ་མོ་ཞིག་ལ་ཆད་པས་གཅོད་དུ་བཅུག་སྟེ། ཚུལ་ཁྲིམས་འཆལ་བ་རྣམས་ནི། གོས་སྐྱ་བོ་གྱོན་དུ་བཅུག་གོ་།ཞེས་སྟོན་ཅིང་དེ་དེ་ལྟར་སེངྒེའི་སྒྲ་སྒྲོག་པ་ལ་ཚུལ་ཁྲིམས་འཆལ་བ་རྣམས་ཀྱིས་དཀྲུགས
65b3 མ་བྱས་ཏེ། སྲོག་གཅད་དུ་ཟིན་ཀྱང་དགེ་སློང་དེ་ལ་ནི། ཚུལ་ཁྲིམས་དང་ལྡན་པ། བདག་ལ་ཕན་པ་དང་། གཞན་ལ་ཕན་པ་ལ་ཞུགས་པ་ཞེས་ང་ཟེར་རོ། །རྒྱུ་དེས་ན། རྒྱལ་པོ་དང་། བློན་པོ་དང་།
65b4 དགེ་བསྙེན་རྣམས་ལ་དམ་པའི་ཆོས་བསྲུང་བའི་ཕྱིར་ངས་དགེ་སློང་རྣམས་སྲུང་བར་ཡང་གནང་། ཁྱིམ་བདག་མགོ་རེག་རྣམས་ཆད་པས་གཅོད་དུའང་གནང་ངོ་། །དེ་ལ་ཚུལ་ཁྲིམས་འཆལ
65b5 བ་གང་ཡིན་པ་དེ་དག་ནི། ཁྱིམ་བདག་མགོ་རེག་ཅེས་བྱ་སྟེ། དེ་ནི། ཚུལ་ཁྲིམས་དང་ལྡན་པའི་ཚིག་བླ་དྭགས་མ་ཡིན་ནོ། །རིགས་ཀྱི་བུ། སྔོན་བྱུང་བ་འདས་པའི་དུས་ན་བསྐལ་བ་གྲངས
65b6 མེད་པའི་སྔ་རོལ་ཏུ་གྲོང་ཁྱེར་ཀུ་ཤི་འདི་ཉིད་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དགའ་སྐྱེད་ཅེས་བྱ་བ་འཇིག་རྟེན་དུ་བྱུང་སྟེ། དེའི་ཚེ་འཇིག་རྟེན་གྱི
65b7 ཁམས་འདི་བདེ་བ་ཅན་བཞིན་དུ་ཡངས་པར་གྱུར་ཏེ། དེའི་ཚེ་སེམས་ཅན་དག་བདེ་བ་ཅན་གྱི་བྱང་ཆུབ་སེམས་དཔའ་རྣམས་བཞིན་དུ་བྲུ་བས་ཉམ་ཆུང་བ་མེད་དོ། །དེ་ནས་དེ་བཞིན་གཤེགས་པ་དེ་ལོ་བྱེ
iiif viewer powered by OpenSeadragon
