| e-texts navigator |
| Wylie |
61b1 ཞི་བ་མ་ཡིན་པའམ། ཐར་པ་མ་ཡིན་པའི་རྣམ་པར་ཡང་མ་སྒོམས་ཤིག་།རིགས་ཀྱི་བུའམ་རིགས་ཀྱི་བུ་མོ་གང་དག་གཞི་གསུམ་གྱི་བདག་ཉིད་ཆེན་པོ་ལ་དེ་ལྟར་མི་སྒོམ་པ་དེ་དག་གི་སྐྱབས
61b2 སུ་འགྲོ་བ་ནི། དག་པ་ཡིན་ནོ། །ཞེས་ང་ཟེར་རོ། །དེ་ལྟར་ན། རྟག་པ་སྒོམ་པ་ནི། བསམ་གྱིས་མི་ཁྱབ་སྟེ། རིགས་ཀྱི་བུ། དཔེར་ན། ཤིང་ཡོད་ན། གྲིབ་མ་ཡོད་ཀྱི། ཤིང་མེད་ན། གྲིབ་མ་མེད
61b3 པ་དེ་བཞིན་དུ་དེ་བཞིན་གཤེགས་པ་རྟག་པ་དང་། སྐྱབས་སུ་འགྱུར་གྱི། གལ་ཏེ་མི་རྟག་ན། ལྷ་དང་མི་རྣམས་ཀྱི་སྐྱབས་སུ་འོས་པ་མ་ཡིན་ནོ། །གསོལ་པ། བཅོམ་ལྡན་འདས། ཅི་ལགས། མཚན
61b4 མོ་མུན་པའི་ནང་ན་ཤིང་ལྗོན་པའི་གྲིབ་མ་སྣང་ཞེས་བགྱིའམ་མི་སྣང་ཞེས་བགྱི། བཀའ་སྩལ་པ། འོད་སྲུང་ཆེན་པོ་དང་རུས་གཅིག་པ། ཤིང་ལྗོན་པ་ཡོད་པའི་གྲིབ་མ་ཅིའི་ཕྱིར་མེད་ཅེས་བརྗོད་པར་བྱའོ། །
61b5 དེ་ལྟ་མོད་ཀྱི། ཤའི་མིག་གིས་ནི། མི་མཐོང་སྟེ། དེ་བཞིན་དུ་དེ་བཞིན་གཤེགས་པའང་རྟག་པ་དང་། བརྟན་པ་དང་། ཐེར་ཟུག་པ་ཡིན་ཏེ། ཐེར་ཟུག་པ་ཡིན་གྱིས་ཀྱང་མཚན་མོ་མུན་པའི་ནང་ན
61b6 ཤིང་ལྗོན་པའི་གྲིབ་མ་ཤའི་མིག་གིས་མི་མཐོང་བ་དེ་བཞིན་དུ་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བར་མཛད་པས་རྟག་པ་དང་། བརྟན་པ་དང་། ཐེར་ཟུག་པ་ཡིན་བཞིན་དུ་མཚན་མོ
61b7 མུན་པའི་ནང་ན་ཤིང་ལྗོན་པའི་གྲིབ་མ་བལྟར་མི་སྣང་བས་སེམས་ཅན་རྣམས་དེ་བཞིན་གཤེགས་པ་མི་རྟག་གོ་། སྙམ་དུ་ཡོངས་སུ་རྟོག་གོ་།གལ་ཏེ་ང་དང་། ཆོས་དང་། དགེ་འདུན་རྟག་པའི་འདུ་ཤེས
iiif viewer powered by OpenSeadragon
