| e-texts navigator |
| Wylie |
60b1 ཅན་བསོད་ནམས་དང་ལྡན་པ་རྣམས་ཀྱི་དོན་དུ་ཆོས་ཀྱི་འོ་མ་འཇོ་བར་བྱེད་དོ། །རིགས་ཀྱི་བུ། རྒྱུ་དེས་ན། དེ་བཞིན་གཤེགས་པ་རྟག་པ་དང་། བརྟན་པ་དང་། ཐེར་ཟུག་པ་ཡིན་ལ། འཇིག་རྟེན་པ་རྣམས
60b2 ལ་ནི|་རྟག་པའི་ཆོས་མེད་དེ། རྟག་པའི་སྒྲ་དེ་ནི། དེ་བཞིན་གཤེགས་པ་སངས་རྒྱས་རྣམས་འབའ་ཞིག་ལ་ཡོད་ཅེས་ང་ཟེར་རོ། །དེ་ལྟར་ན། རིགས་ཀྱི་བུའམ། རིགས་ཀྱི་བུ་མོ་རྣམས་ཀྱིས་སངས་རྒྱས
60b3 བཅོམ་ལྡན་འདས་ནི། རྟག་པའོ། །སངས་རྒྱས་བཅོམ་ལྡན་འདས་ནི། ཐེར་ཟུག་པའོ། །ཞེས་དེ་ལྟར་ཤེས་པར་གྱིས་ཤིག་།སེམས་ཅན་གང་དག་རྟག་ཅེས་བྱ་བའི་ཡི་གེ་གཉིས་སྒོམ་པ་དེ་དག་ནི།
60b4 རིང་པོ་མི་ཐོགས་པ་ཁོ་ནར་ངའི་གོ་འཕང་དང་ལྷག་ཆད་མེད་པ་ཐོབ་པར་འགྱུར་རོ། །རིགས་ཀྱི་བུ། གང་གི་ཚེ་རྟག་གོ། །ཞེས་བྱ་བའི་ཡི་གེ་གཉིས་སྒོམ་པ་ནུབ་པར་འགྱུར་བ་དེའི་ཚེ་དེ་བཞིན་གཤེགས
60b5 པ་ཡོངས་སུ་མྱ་ངན་ལས་འདའ་བར་འགྱུར་ཏེ། དེ་ནི། སངས་རྒྱས་རྣམས་ཀྱི་ཆོས་ཉིད་དོ། །གསོལ་པ། སངས་རྒྱས་རྣམས་ཀྱི་ཆོས་ཉིད་ཅེས་བཀའ་སྩལ་པ་དེའི་དོན་ཅི་ལགས། བཅོམ་ལྡན་འདས།
60b6 བདག་ནི། ཆོས་གླེང་པ་འདི་རྟོགས་པར་འཚལ་ན། བཅོམ་ལྡན་འདས་ཀྱི་ཚིག་འདི་ཇི་ལྟ་བུ་ལགས་པ་རྒྱས་པར་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། ཆོས་ཉིད་ཅེས་བྱ་བ
60b7 ནི|་ལུས་ཡོངས་སུ་འདོར་བ་སྟེ། ལུས་ཡོངས་སུ་འདོར་བ་ཞེས་བྱ་བ་དེ་ནི། སྨད་པའི་ཚིག་ཡིན་པར་ཤེས་པར་གྱིས་ཤིག་།གསོལ་པ། དེ་བཞིན་གཤེགས་པས་སྐུ་བོར་ནས་སླར་ཡང་སྐུ་ལེན་ཏམ
iiif viewer powered by OpenSeadragon
