| e-texts navigator |
| Wylie |
60a1 པོར་དེ་བཞིན་གཤེགས་པ་རྟག་གོ་། ཞེས་བྱ་བ་ལ་བརྩོན་པར་བྱའོ། །རིགས་ཀྱི་བུ། དེ་ནས་བ་ལང་གི་ལྷས་དེའི་སྐལ་པ་ཅན་གྱི་འཁོར་ལོས་བསྒྱུར་པའི་རྒྱལ་པོ
60a2 འཇིག་རྟེན་དུ་བྱུང་ལ་ཆོམ་ཤོད་པ་དེ་དག་གིས་ཀྱང་འཁོར་ལོས་བསྒྱུར་བའི་རྒྱལ་པོའི་བསོད་ནམས་ཀྱི་མཐུས་དེ་བ་ལང་གཅིག་ཀྱང་མེད་པར་མི་བྱེད་དོ། །དེ་ནས་ནགས་ན་རྒྱུ་བའི་ཆོམ་ཤོད
60a3 པ་དེ་དག་གིས་བ་ལང་གི་ལྷས་དེ་བོར་ཏེ་འགྲོ་བར་འགྱུར་རོ། །དེ་ནས་འཁོར་ལོས་བསྒྱུར་བའི་རྒྱལ་པོའི་ཁྱིམ་བདག་རིན་པོ་ཆེས་བ་ལང་གི་ལྷས་དེ་ཉམས་སུ་ལེན་པར་འགྱུར་ཏེ། ཁྱིམ
60a4 བདག་རིན་པོ་ཆེ་དེས་རང་གི་བློས་བ་ལང་གི་ལྷས་དེའི་འོ་མའི་དེ་ཁོ་ན་ཉིད་ཀྱི་ཐབས་ཤེས་པར་འགྱུར་ལ། བ་རྣམས་ཀྱི་འོ་མའང་འཁོར་ལོས་བསྒྱུར་བའི་རྒྱལ་པོའི་བསོད་ནམས་ཀྱིས
60a5 ན་ཡིད་འགྱུར་དུ་བཞོར་ཡོད་པར་འགྱུར་བ་དེ་བཞིན་དུ་ཆོས་ཀྱི་འཁོར་ལོས་བསྒྱུར་བའི་སངས་རྒྱས་འཇིག་རྟེན་དུ་བྱུང་ནས་བ་ལང་གི་ལྷས་དང་འདྲ་བའི་འཇིག་རྟེན་པ་ཐམས་ཅད་ཡོངས་སུ
60a6 འཛིན་པར་མཛད་པས་ན། རྟག་པའི་སྒྲ་ནི། དེ་བཞིན་གཤེགས་པ་འབའ་ཞིག་གི་རྗེས་སུ་མཐུན་གྱི། འཇིག་རྟེན་པ་ཆོམ་ཤོད་དང་འདྲ་བ་རྣམས་ཀྱིས་ནི། སངས་རྒྱས་ཀྱི་སྒྲ་དང་། རྟགས
60a7 ཀྱིས་གནས་ཀྱང་ཐོབ་པར་མི་འགྱུར་རོ། །དེ་བཞིན་གཤེགས་པའི་ཉན་ཐོས་རྣམས་ནི། ཁྱིམ་བདག་རིན་པོ་ཆེ་བཞིན་དུ་དམ་པའི་ཆོས་ཀྱིས་བ་ལང་གི་ལྷས་ཉམས་སུ་ལེན་པར་བྱེད་དེ། སེམས
iiif viewer powered by OpenSeadragon
