| e-texts navigator |
| Wylie |
5a1 བྱས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་ཕྱོགས་གཅིག་ཏུ་འཁོད་དོ། །འཁོར་དེ་ན་དགེ་སློང་མ་འཁོད་པ་རྣམས་ཀྱང་བྱང
5a2 ཆུབ་སེམས་དཔའ་མི་མཆོག་ས་བཅུ་ཐོབ་པ་ཤ་སྟག་སྟེ། གདུལ་བའི་དབང་གི་ཕྱིར་བུད་མེད་ཀྱི་གཟུགས་དང་། བུད་མེད་ཀྱི་དབྱིབས་དང་། ཤ་དང་། ཁྲག་དང་། རྒྱུས་པ་མང་པོ་དང་།
5a3 རུས་པའི་ལུས་འཆང་བ་རྟག་ཏུ་ཚད་མེད་པ་བཞི་བསྒོམ་པ་དང་ལྡན་པ། བདག་ཉིད་ཀྱིས་སངས་རྒྱས་ཀྱི་ཡུལ་གྱི་ཆོ་འཕྲུལ་ཆེན་པོའི་དོན་བྱེད་ནུས་པ་ཤ་སྟག་གོ། །གཞན་ཡང་དེའི་ཚེ་བྱང
5a4 ཆུབ་སེམས་དཔའ་རྒྱ་མཚོས་བྱིན་ལ་སོགས་པ་བྱང་ཆུབ་སེམས་དཔའ་གངྒཱའི་ཀླུང་གི་བྱེ་མ་སྙེད་ཐམས་ཅད་ཀྱང་མི་མཆོག་ས་བཅུ་ཐོབ་པ། ཐབས་ཀྱིས་ལུས་འཆང་བ་ཤ་སྟག་ལ
5a5 འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་རྒྱ་མཚོས་བྱིན་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་མི་ཟད་པ་དང་། དེ་དག་ལ་སོགས་པ་བྱང་ཆུབ
5a6 སེམས་དཔའ་སེམས་དཔའ་ཆེན་པོ་ཐམས་ཅད་ཀྱང་ཐེག་པ་ཆེན་པོ་ཐོས་པར་འདོད་པ། ཐེག་པ་ཆེན་པོ་ལ་ཞུགས་པ། ཐེག་པ་ཆེན་པོས་བཀྲེས་པ། ཐེག་པ་ཆེན་པོ་ལ་སྲེད་པ། ཐེག
5a7 པ་ཆེན་པོ་ལ་སེར་སྣ་མེད་པ། འཇིག་རྟེན་ཐམས་ཅད་དང་མཐུན་པར་བྱེད་ནུས་པ་ཤ་སྟག་དང་། བདག་ཅག་རྒལ་ནས་གཞན་བསྒྲལ་བར་བྱའོ། །སྙམ་སྟེ་སྔོན་གྱི་བསྐལ་པ་བྱེ་བ
iiif viewer powered by OpenSeadragon
