| e-texts navigator |
| Wylie |
59b1 རྣམས་གུད་དུ་བསྒྱུར་ནས་སེམས་ཅན་ཡོད་དོ། །སྲོག་ཡོད་དོ། །གང་ཟག་ཡོད་དོ། །སྙམ་དུ་སེམས་ཤིང་། ཐར་པ་ནི། འདི་ལྟ་བུ་ཞིག་གོ་།སྤྱོད་པ་ནི། འདི་ལྟ་བུ་ཞིག་གོ་།སྙམ་ནས་སྤྱོད་པ་དང་། སེམས
59b2 ཅན་དང་། ཐར་པ་དང་། རྟག་པ་དང་། དེ་ཁོ་ན་ཉིད་མ་ཤེས་ཏེ། དོན་གཞན་ལ་བརྩོན་པས་ཐར་པའང་མི་ཐོབ་ལ། ཚུལ་ཁྲིམས་དང་། ཆོ་ག་དང་། སྤྱོད་ཡུལ་དང་། འདུལ་བ་དང་། རྟག་པ་དང་། དེ་ཁོ་ན
59b3 ཉིད་ཀྱང་མི་རྙེད་དེ། མི་རྒོད་ཀྱི་མར་བཞིན་དུ་འཇིག་རྟེན་པ་རྣམས་ཀྱིས་ཆོས་ཀྱི་དེ་ཁོ་ན་ཉིད་མི་འཐོབ་ལ། དེ་དག་སེམས་ཅན་ཚངས་པས་སྤྲུལ་པ་ནི། རྟག་གོ་།སྙམ་དུ་འཛིན་ཅིང་། བདག་གི་ནི། ཐར
59b4 པ་ཡིན་ནོ། །སྙམ་དུའང་འཛིན་ལ། ཆོམ་ཤོད་པ་རྣམས་ཀྱི་འོ་མ་བཞིན་དུ་དེ་ཁོ་ན་ཉིད་ནི། མི་ཤེས་སོ། །དེ་དག་ཚངས་པར་སྤྱོད་པའི་རྒྱུ་དང་། གཞན་གྱི་ཆུང་མ་སྤང་པའི་རྒྱུ་དང་། ཕ་མ་ལ་ཕུ་དུད་བྱས
59b5 པའི་རྒྱུས་ན། ཆོམ་ཤོད་པ་རྣམས་ཀྱི་འོ་མ་མ་རུང་པའི་ལྷག་མ་ཙམ་ཞིག་ཡོད་པ་བཞིན་དུ་མཐོ་རིས་ཀྱི་བདེ་བ་ཆ་ཤས་ཙམ་ཞིག་ཐོབ་སྟེ་ལོངས་སྤྱོད་པར་བྱེད་ལ། དེ་དག་གིས་ཕ་མ་ལ་ཕུ་དུད་བྱ
59b6 བ་ཇི་ལྟ་བུ་ཡིན་པའང་མི་ཤེས། གསུམ་ལ་སྐྱབས་སུ་འགྲོ་བ་ཇི་ལྟ་བུ་ཡིན་པའང་མི་ཤེས། གཞན་གྱི་ཆུང་མ་སྤང་བ་ཇི་ལྟ་བུ་ཡིན་པའང་མི་ཤེས། རྟག་པ་ཇི་ལྟ་བུ་ཡིན་པའང་མི་ཤེས་སོ། །དེ
59b7 ལ་སངས་རྒྱས་ཀྱི་སྤྲུལ་པ་ནི། མི་རྟག་པ་ཡིན། རྫུན་པ་ཡིན་ཏེ། དེས་ན། འཇིག་རྟེན་པ་རྣམས་དེ་བཞིན་གཤེགས་པ་མི་རྟག་གོ། །མི་བརྟན་ནོ། །སྙམ་དུ་འཛིན་ཏེ། དེ་བས་ན། མི་རྟག་པའི་གཉེན
iiif viewer powered by OpenSeadragon
