| e-texts navigator |
| Wylie |
59a1 པ|་བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ། དཔེར་ན། ཚོང་དཔོན་ནམ། ཁྱིམ་བདག་གཅིག་ལ་བ་ལང་སྣ་ཚོགས་སྤུ་མདོག་དུ་མ་རིགས་དང་རྒྱུད
59a2 མང་པོ་ཁྱུ་གཅིག་ཅིང་ལྷས་གཅིག་པ་དུ་མ་བྱེ་བ་སྙེད་ཡོད་ལ། དེས་བ་ལང་དེ་དག་བ་ལང་རྫིའི་ལག་ཏུ་གཏད་དེ་མར་ཞིམ་པོ་ཟ་ལ། བ་ལང་རྫི་རྣམས་ཀྱང་ལྷས་སྐྱོང་ཞིང་ཞོ་དང་འོ་མ་སྲུབ་པ
59a3 ལས་ཕྱི་ཞིག་ན་བ་ལང་གི་བདག་པོ་དེ་རང་གི་ཚེ་ཟད་ནས་ཤི་སྟེ། ཤི་བའི་འོག་ཏུ་ནགས་ན་རྒྱུ་བའི་ཆོམ་ཤོད་ཀྱིས་བ་ལང་དེ་དག་འཕྲོག་ནས་དེ་དག་ཆུང་མ་མེད་པས་རང་རང་གིས་འོ་མ་བསྲུབས
59a4 ཏེ|་དེ་དག་གིས་བསྲུབས་པ་ལས་འོས་མ་ཡིན་པའི་ཕྱིར་འོ་མ་དེ་དག་ལས་མར་གྱི་དྲིའང་མི་བྲོ་ལ། ཞོར་ཡང་མ་རུང་། དར་བར་ཡང་མ་རུང་། སྤྲིས་མར་ཡང་མ་རུང་ན། མར་དུ་ལྟ་ག་ལ
59a5 འགྱུར་ཏེ། འོ་མའི་རང་བཞིན་ལས་ཀྱང་ཉམས་ནས་དེ་དག་གིས་དེ་ཆུས་བསླད་དེ་བདག་གིས་མར་ལོངས་སྤྱད་པར་བྱའོ། །བདག་གིས་མར་ལོངས་སྤྱད་པར་བྱའོ། །སྙམ་དུ་སེམས་པ་བཞིན་དུ
59a6 འཇིག་རྟེན་པ་སངས་རྒྱས་ཀྱི་ཆོས་ཀྱི་རྒྱུ་མཐུན་པ་ལས་བྱུང་བ་ནོར་དང་ཆོས་རྒྱས་པ་རྣམས་ཀྱང་དེ་དང་འདྲ་སྟེ། གང་གི་ཚེ་སངས་རྒྱས་བཅོམ་ལྡན་འདས་རྣམས་ལ་རང་གི་ལྷས་ཀྱི་བདག་པོ་བཞིན
59a7 དུ་ཡོངས་སུ་མྱ་ངན་ལས་འདས་པའི་འོག་ཏུ་འཇིག་རྟེན་པ་ཆོམ་ཤོད་དང་འདྲ་བ་རྣམས་ཀྱིས་ཀྱང་ཚུལ་ཁྲིམས་དང་། ཆོ་ག་དང་། འདུལ་བ་དང་། སྤྱོད་ཡུལ་རྣམས་དང་། སེམས་ཅན་གྱི་ཁམས
iiif viewer powered by OpenSeadragon
