| e-texts navigator |
| Wylie |
58b1 བ་ལྟ་བུར་ཡང་སྟོན། ཚེའི་ཚད་ཀྱང་ཇི་སྲིད་དུ་འདོད་པ་དེ་སྲིད་དུ་སྣུར་བར་བྱེད་དོ། །མདོར་ན་ཇི་ཙམ་དུ་འདོད་པ་དང་། ཇི་ཙམ་དུ་དགའ་བ་དེ་ཙམ་དུ་སྟོན་པར་བྱེད་དེ། འདི་དག་ནི། མངོན་པར་ཤེས་པ་ལྔ
58b2 ལ་དབང་ཐོབ་པའི་ཡོན་ཏན་ཡིན་ནོ། །གལ་ཏེ་མངོན་པར་ཤེས་པ་ལྔ་ཐོབ་པའང་དེ་ལྟར་བདག་ཉིད་འཚོ་བའི་དབང་ཕྱུག་ལ་དབང་བྱེད་ན། དེ་བཞིན་གཤེགས་པ་དབང་དུ་མ་བརྙེས་པ་ལྟ་ཅི་སྟེ། དེ་ལྟ་བུ་ལ
58b3 མངའ་མི་མཛད། དེ་བཞིན་གཤེགས་པ་བསྐལ་པའམ། བསྐལ་པ་ལས་ལྷག་པར་ཅི་སྟེ་མི་བཞུགས་ཀྱི། དེ་བཞིན་གཤེགས་པ་རྟག་པ་དང་། བརྟན་པ་དང་། ཐེར་ཟུག་པ་ཡིན་པར་ཁོང་དུ་ཆུད་པར
58b4 གྱིས་ཤིག་། འཇིག་རྟེན་འདི་ན་སྤྲུལ་པའི་ལུས་ནི། ཤའི་ལུས་མ་ཡིན་ཏེ། དེང་དེ་བཞིན་གཤེགས་པ་དུག་སྨན་ལ་རྟོན་པའི་སྐུ་ཡོངས་སུ་འདོར་བར་མཛད་དོ། །སྙམ་དུའང་ཁོང་དུ་ཆུད་པར་གྱིས་ཤིག།
58b5 རྟག་པ་དང་། བརྟན་པ་དང་། ཐེར་ཟུག་ཅེས་བྱ་བའི་བརྟན་པ་མཆོག་ལའང་བརྩོན་པར་གྱིས་ཤིག་།འོད་སྲུང་ཆེན་པོ་དང་རུས་གཅིག་པས་གསོལ་པ། གལ་ཏེ་དེ་བཞིན་གཤེགས་པ་རྟག་པ་ལགས
58b6 ན|་འཇིག་རྟེན་པ་དང་། འཇིག་རྟེན་ལས་འདས་པར་ཁྱད་པར་ཅི་མཆིས་ལགས། འཇིག་རྟེན་པའང་བདག་ཅག་གི་ཚངས་པ་ནི། རྟག་པ་སྟེ། ཐོག་མའི་དུས་ནས་བྱུང་བ་ཡིན་ནོ། །ཞེས་མཆི་བ་དང་ཁྱད་པར
58b7 ཅི་མཆིས། གལ་ཏེ་དེ་བཞིན་གཤེགས་པ་རྟག་པ་ལགས་ན། ཁྱད་པར་མ་མཆིས་པར་འགྱུར་ལགས་སོ།། །།འཕགས་པ་ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མདོ། བམ་པོ་བཞི
iiif viewer powered by OpenSeadragon
