| e-texts navigator |
| Wylie |
57a1 བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་ལོས་ཀྱང་མོད། འོད་སྲུང་ཆེན་པོ་དང་རུས་གཅིག་པས་གསོལ་པ། བཅོམ་ལྡན་འདས། དཔེར་གསོལ་ན། གཏམ་རྒྱུད
57a2 མཁན་ཞིག་གིས་ལྟད་མོ་པའི་འཁོར་གྱི་ནང་དུ་མ་ལ་ཕུ་དུད་བྱ་བའི་རིགས་པའི་གཏམ་སྣ་ཚོགས་བགྱིས་ལ། རང་གི་ཁྱིམ་དུ་མཆིས་ནས་མཆོག་ཏུ་དཀའ་བ་བགྱིད་བགྱིད་པའི་མ་ལ་དབྱུག་པ
57a3 དང་། ཕག་དུ་མ་དང་། བོང་བ་དང་། རྡོ་དག་གིས་གནོད་པ་བགྱིད་པ་དེ་བཞིན་དུ། བཅོམ་ལྡན་འདས་ཀྱིས་བཀའ་སྩལ་པ། སེམས་ཅན་ཐམས་ཅད་ལ་བུ་གཅིག་པའི་འདུ་ཤེས་བསྒོམས་ན།
57a4 བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཚེ་རིང་བ་དང་། མཆོག་ཏུ་ཚེ་རིང་བ་དང་། ཚེ་རབས་དྲན་པ་དང་། མི་འཆི་བ་དང་། ཐེར་ཟུག་པ་དང་། བརྟན་པར་འགྱུར་རོ། །ཞེས་གསུངས་ནས།
57a5 ཅིའི་སླད་དུ་བཅོམ་ལྡན་འདས་ཉིད་སྐུ་ཚེ་ཐུང་ལགས། ཅི་སླུ་བ་མཛད་དམ། འོན་ཏེ་བཅོམ་ལྡན་འདས་ཉིད་ཀྱིས་སེམས་ཅན་ཐམས་ཅད་ལ་དགྲ་བཞིན་དུ་གཟིགས་གཟིགས་སམ། ཀྱེ་མ
57a6 བཅོམ་ལྡན་འདས་ཀྱིས་ནི། དཀའ་བ་མཛད་མཛད་དོ། །མིའི་ལྟར་བརྩིས་ན། ལོ་བརྒྱའང་མི་ཐུབ་སྟེ། དེ་བཞིན་གཤེགས་པ་འདི་ཁོ་ན་ལྟར་སྐུ་ཚེ་ཐུང་བ་ལགས་ན། བཅོམ་ལྡན་འདས་ཀྱིས
57a7 སྔོན་བྱང་ཆུབ་སེམས་དཔའ་མཛད་པའི་ཚེ་དེ་སྙེད་ཀྱི་སྲོག་ཅིག་བཅད་ལགས། འདི་ཁོ་ན་ལྟར་སྐུ་ཚེ་ཐུང་བ་ལས་ན། དེ་བཞིན་གཤེགས་པ་ཉིད་ཀྱིས་མཆོག་ཏུ་མི་བཟད་པའི་ལས་མཛད
iiif viewer powered by OpenSeadragon
