| e-texts navigator |
| Wylie |
56a1 ཀྱིས་བཀའ་སྩལ་པ། འོད་སྲུང་ཆེན་པོ་དང་རུས་གཅིག་པ། དཔེར་ན། ཁྱིམ་བདག་གམ། ཚོང་དཔོན་ནམ། སྡེ་དཔོན་ནམ། བློན་པོའམ། རྒྱལ་པོའང་རུང་པ་ཞིག་གིས་རང
56a2 གི་བུ་སྡུག་ཅིང་ཕངས་ལ་མཆོག་ཏུ་མཛེས་ཤིང་བྱད་གཟུགས་ཕུན་སུམ་ཚོགས་པ་རྣམས་སློབ་དཔོན་གྱི་ལག་ཏུ་གཏད་ནས་སློབ་དཔོན་དེ་ལ་འདི་སྐད་སྨྲས་ཏེ། བདག་གི་བུ་འདི་རྣམས་འདུལ
56a3 བ་དང་། ཆོ་ག་དང་། སྤྱོད་ཡུལ་དང་། རིག་པ་རྣམས་བསླབ་པའི་ཕྱིར་ཁྱོད་ལ་གཏད་ཀྱི། འདི་རྣམས་ཁྱོད་ཀྱིས་འདུལ་བ་དང་། ཆོ་ག་དང་། སྤྱོད་ཡུལ་དང་། རིག་པ་རྣམས་སློབས་ཤིག། ཆོས་ཤིག།
56a4 གལ་ཏེ་བདག་གི་བུ་འདི་བཞི་ལས་གསུམ་ནི། བརྡེག་པ་དང་། བསྡིགས་པ་དང་། ཚར་བཅད་པ་རྣམས་ཀྱིས་ཤི་བར་གྱུར་ལ། གཅིག་ནི། གསོན་པོར་འདུག་སྟེ། གཅིག་ལོབས་པར་གྱུར་ན།
56a5 གསུམ་ནི། ཤིའང་བླ་སྟེ། གསུམ་ནི། ཤི་།གཅིག་ནི། ལོབས་པ་དེ་ལ་ཅི་སློབ་དཔོན་གྱིས་ནི། སྡིག་པ་མི་དགེ་བའི་ལས་བྱས་ཞེས་བྱ་འམ། བཅོམ་ལྡན་འདས། དེ་ནི། མ་ལགས་ཏེ། དེ་ལ་ནི།
56a6 གཉིས་ཀ་ལའང་སྡིག་པའི་ལས་སུ་མི་འགྱུར་ལགས་སོ། །དེ་ཅིའི་སླད་དུ་ཞེ་ན། དེ་ལ་ནི། འཁོན་གྱི་བསམ་པ་མ་མཆིས་ཏེ། དེ་ལྟར་བགྱིས་ན། བསོད་ནམས་མང་པོ་འཕེལ་བར་འགྱུར
56a7 ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ། དེ་བཞིན་དུ་དེ་བཞིན་གཤེགས་པ་ནི། དམ་པའི་ཆོས་སུན་འབྱིན་པའི་སེམས་ཅན་རྣམས་ལ་སྒྲ་གཅན་ཟིན་བཞིན་དུ་གཟིགས
iiif viewer powered by OpenSeadragon
