| e-texts navigator |
| Wylie |
55b1 དང་|་ཆོ་ག་དང་། ཡོན་ཏན་རྣམས་ཐ་དད་པ་ཡོད་ལ། དེར་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་འོག་ཏུ་དགེ་སློང་དག་དམ་པའི་ཆོས་ཁོལ་དུ་འབྱིན་པར་འདོད་པ་ལ་རྒྱལ་པོས་སྟོན་པ
55b2 མེད་པའི་ཕྱིར་གནོད་པ་བྱེད་པ་ལས་རྒྱལ་པོ་དེ་རྒྱལ་པོ་གཞན་གྱིས་བཟློག་སྟེ། དེས་མཐུ་ཆུང་བར་བྱས་ནས་རྒྱལ་པོ་དེ་ཆོས་ལ་གནས་པར་གྱུར་ན། རྒྱལ་པོ་གཅིག་ཤོས་དེ་ལ་བསོད་ནམས་ཆེན་པོར
55b3 འགྱུར་ཞེས་ང་སྨྲའོ། །དེ་ཅིའི་ཕྱིར་ཞེ་ན། རྒྱལ་པོ་གཅིག་ཤོས་ཀྱི་ཉེས་པ་ཆེན་པོའི་གཞི་ཞི་བར་བྱེད་པའི་ཕྱིར་རོ། །རིགས་ཀྱི་བུ། གཞན་ཡང་དཔེར་ན། ཞིང་ངམ་ཁྱིམ་དུ་དུག་ཤིང་ངམ། སྙེ
55b4 ལོང་སྐྱེས་ན། རྩ་ནས་དབྱུང་དགོས་པ་དེ་བཞིན་དུ་ཚུལ་ཁྲིམས་འཆལ་པ་རྣམས་དང་། དམ་པའི་ཆོས་སུན་འབྱིན་པ་རྣམས་བྲན་བཞིན་དུ་ཚར་གཅད་པར་ངས་གནང་ངོ་། །གང་དག་དེ་རྣམས་ཚར་གཅོད
55b5 པར་མི་བྱེད་པ་དེ་དག་ནི། ངའི་བསྟན་པ་ལས་ཤིན་ཏུ་རིང་བ་ཡིན་ནོ། །གང་དག་དེ་རྣམས་ཚར་གཅོད་པར་བྱེད་པ་དེ་དག་ནི། ངའི་སློབ་མ་དང་། ངའི་ཉན་ཐོས་ཡིན་ནོ། །འོད་སྲུང་ཆེན་པོ་དང་རུས་གཅིག
55b6 པས་གསོལ་པ། གལ་ཏེ་དེ་བཞིན་གཤེགས་པ་དེ་སྐད་གསུང་ན་ནི། སེམས་ཅན་ཐམས་ཅད་ལ་སྒྲ་གཅན་ཟིན་བཞིན་དུ་གཟིགས་པའང་མ་ལགས། སྟེའུ་དང་ཙནྡན་ལྟ་བུ་ཞེས་བགྱི་བའི་མིང་ཡང
55b7 བརླག་པར་འགྱུར་ན། དམ་པའི་ཆོས་སུན་འབྱིན་པ་རྣམས་ཇི་ལྟར་ཚར་གཅད་པའི་རིགས་ལགས། དེ་བཞིན་གཤེགས་པས་དེ་ལྟར་བགྱིད་དུ་སྩལ་བའི་མི་རིགས་ལགས་སོ། །བཅོམ་ལྡན་འདས
iiif viewer powered by OpenSeadragon
