| e-texts navigator |
| Wylie |
54a1 དག་པར་རྫོགས་པའི་བྱང་ཆུབ་ཐོབ་པར་གྱུར་ཏོ། །རིགས་ཀྱི་བུ། དཔེར་ན། མི་ལ་ལ་ཞིག་བུ་གཅིག་པ་ཐར་པར་བྱ་བའི་ཕྱིར་རྒྱལ་པོའི་བཙོན་རའི་ནང་དུ་འགྲོ་བ་དེ་བཞིན
54a2 དུ་བྱང་ཆུབ་སེམས་དཔའ་ཚེ་རིང་བར་འདོད་པས་ཀྱང་སེམས་ཅན་ཐམས་ཅད་ལ་བུ་གཅིག་པའི་འདུ་ཤེས་བསྒོམ་པར་བྱའོ། །དེ་ལྟར་བསྒོམས་ན། འཚེ་བ་ཐམས་ཅད་སྤོང་བར་འགྱུར་ལ།
54a3 བྱམས་པ་ཆེན་པོ་དང་། སྙིང་རྗེ་ཆེན་པོ་དང་། དགའ་བ་ཆེན་པོ་དང་། བཏང་སྙོམས་ཆེན་པོ་དང་ལྡན་པར་འགྱུར་ཞིང་། སྲོག་གཅོད་པ་སྤོང་བར་འགྱུར་བ་དང་། ཆོས་སྤྱོད་པར་འགྱུར་རོ། །རིགས
54a4 ཀྱི་བུ|་གཞན་ཡང་སེམས་ཅན་དཔག་ཏུ་མེད་པ་དག་བསླབ་པའི་གཞི་ལ་འགོད་པར་འགྱུར། དགེ་བ་བཅུའི་ལས་ཀྱི་ལམ་ལའང་འགོད་པར་འགྱུར་རོ། །གལ་ཏེ་ནུས་ན། སེམས་ཅན་དམྱལ་བ
54a5 དང་། ལྷ་མ་ཡིན་དང་། གཤིན་རྗེའི་འཇིག་རྟེན་དང་། དུད་འགྲོར་སྐྱེས་པ་རྣམས་དང་། ལས་མི་བཟད་པ་བྱེད་པའི་སེམས་ཅན་རྣམས་ངེས་པར་བསྒྲལ་བའི་ཕྱིར་འགྲོ་བ་ཐམས་ཅད་ཀྱི་རྗེས་སུ
54a6 འཇུག་པར་བྱེད་ཅིང་། གྲོལ་ནས་གཞན་དགྲོལ་བར་བྱའོ། །སྙམ་ནས་དེ་ལ་འཛིན་པ་དང་དྲན་པའི་སེམས་དང་ལྡན་པར་འགྱུར་ཏེ། ལེགས་པར་བྱས་པའི་རྣམ་པར་སྨིན་པ་དང་། རྒྱུ་དང་མཐུན་པ
54a7 དེས་ན|་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་མཆོག་ཏུ་ཚེ་རིང་བར་འགྱུར་ལ། ཡེ་ཤེས་ཀྱི་དབང་ཕྱུག་ཏུ་འགྱུར་ཞིང་འཆི་བ་མེད་པར་འགྱུར་རོ། །དེ་ནས་བཅོམ་ལྡན་འདས་ལ
iiif viewer powered by OpenSeadragon
