| e-texts navigator |
| Wylie |
53b1 འདུག་གོ། །དེ་ནས་བཅོམ་ལྡན་འདས་ལ་འོད་སྲུང་ཆེན་པོ་དང་རུས་གཅིག་པས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གིས་ནི། ཐམས་ཅད་མཁྱེན་པའི་ཡུལ་ཞུ་བའི་རྔོ་མི་ཐོགས་མོད
53b2 ཀྱི་ཅུང་ཟད་ཅིག་ཞུ་བར་འཚལ་ལོ། །བཅོམ་ལྡན་འདས། དཔེར་གསོལ་ན། སྦྲང་བུས་གནམ་དང་རྒྱ་མཚོའི་ཕ་མཐར་མཆི་བའམ། རྒྱ་མཚོའི་ཆབ་འཚལ་བའི་རྔོ་ཐོགས་པ་དེ་ནི། མི་སྲིད་ལགས
53b3 སོ|་|བཅོམ་ལྡན་འདས། དེ་བཞིན་དུ་བདག་ནི། སྦྲང་བུ་འདྲ་ལ། བཅོམ་ལྡན་འདས་ནི། ནམ་མཁའ་དང་། རྒྱ་མཚོ་དང་འདྲ་ཞིང་ཡེ་ཤེས་ཟབ་མོ་ཆོས་དང་ལྡན་པ་ལགས་སོ། །བཅོམ་ལྡན་འདས
53b4 དཔེར་གསོལ་ན། རྒྱལ་པོའི་གཙུག་གི་ནོར་བུ་དཀོར་བས་རང་གི་སྤྱི་བོས་བླང་བ་དེ་བཞིན་དུ་བདག་གིས་ཀྱང་ཆོས་བཀའ་སྩལ་པ་ཡང་དག་པར་བླང་བར་འཚལ་ན། ཤེས་རབ་རྒྱ་བསྐྱེད་པའི་སླད
53b5 དུ་བཅོམ་ལྡན་འདས་ཀྱིས་བཀའ་སྩལ་དུ་གསོལ། བཅོམ་ལྡན་འདས་ཀྱིས་མཚུངས་པ་མེད་པ་ཡོངས་སུ་བཤད་དུ་གསོལ། བདག་ཞུ་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ
53b6 པ|་རིགས་ཀྱི་བུ་ཉོན་ཅིག་། ལས་གང་གིས་བྱང་ཆུབ་སེམས་དཔའ་སེམས་དཔའ་ཆེན་པོ་ཚེ་རིང་བར་འགྱུར་བ་དང་། ལས་གང་གིས་བྱང་ཆུབ་ཀྱི་རྒྱུར་འགྱུར་བ་དེ་གཟུང་བའི་སེམས་ཀྱིས་ཉོན་ཅིག
53b7 དང་། ལས་ཀྱི་འབྲས་བུ་དེས་ན། བྱང་ཆུབ་ཀྱི་རྒྱུ་སྐྱེ་བར་འགྱུར་རོ། །ཐོས་ནས་ཀྱང་གཞན་དག་ལ་སྟོན་ཅིག་།རིགས་ཀྱི་བུ། ངས་ཀྱང་ལས་དེ་བྱས་ཤིང་གཞན་དག་ལའང་བསྟན་པས་བླ་ན་མེད་པ་ཡང
iiif viewer powered by OpenSeadragon
