| e-texts navigator |
| Wylie |
52b1 སེམས་ནི་མ་སྐྱེས་པར། །འདིར་ནི་འཇིགས་པ་མེད་པར་འགྱུར། །ཇི་ལྟར་ཀ་ཏའི་འབྲས་བུ་འདྲ། །ཇི་ལྟར་རྩོད་དུས་སྐྱེས་པ་ན། །གོས་པ་མ་མཆིས་བགྱིད་པ་དང་། །ཉེས་པའི་དབྱིངས་སུ་པདྨ་ལྟར། །ཉེས
52b2 དག་གིས་མི་གོས་ལགས། །ཇི་ལྟར་བྱང་ཆུབ་སེམས་དཔའ་རྣམས། །ཡུལ་ཁམས་སྨན་པ་ཆེན་པོར་འགྱུར། །ཆུ་འགྲམ་ཀུན་ཏུ་མཉན་པར་འགྱུར། །དེ་འདིར་བདག་ལ་ལུང་བསྟན་གསོལ། །ཇི་ལྟར
52b3 སྦྲུལ་རྣམས་པགས་པ་རྙིང་། །འདོར་བ་བཞིན་དུ་འགྱུར་བ་ལགས། །རིན་ཆེན་མང་པོའི་འབྱུང་གནས་དང་། །འབྲུ་དང་ཤིང་འདྲ་ཇི་ལྟར་ལགས། །བརྟན་པོ་དེ་དག་ཉན་ཐོས་དང་། །རང་སངས་རྒྱས
52b4 ཀྱི་བྱང་ཆུབ་ཀྱིས། །སྐུ་གདུང་ཇི་ལྟར་སྟོན་པར་བགྱིད། །མཐའ་ཡས་སྒོ་ཡང་ཇི་ལྟར་སྟོན། །རྒྱལ་སྲས་བརྟུལ་ཞུགས་བརྟན་པོ་རྣམས། །ཇི་ལྟར་མི་ཕྱེད་འཁོར་དང་ལྡན། །དེ་དག་འཇིག་རྟེན་དམུས་ལོང་བའི
52b5 མིག་དང་འདྲ་བར་ཇི་ལྟར་འགྱུར། །ཐུབ་པ་ཆེན་པོ་ཇི་ལྟར་ན། །མགོ་མང་བྱེ་བ་སྟོན་པར་འགྱུར། །ཇི་ལྟར་ཟླ་བ་ཚེས་འདྲ་བར། །འཇིག་རྟེན་རྣམས་ལ་ཆོས་ཀྱང་སྟོན། །ཇི་ལྟ་བུར་ནི་གཞའ་གསང་དུ།
52b6 ཡོངས་སུ་མྱ་ངན་འདས་པ་སྟོན། །ཇི་ལྟར་ལྷ་དང་བདུད་འདྲ་བར། །བརྟན་པོར་འགྱུར་ཞིང་དཔའ་བར་འགྱུར། །ཇི་ལྟར་ཆོས་ཀྱི་སྒོ་རྟོགས་ནས། །ཆོས་ཉིད་ཀྱང་ནི་འཚལ་བར་འགྱུར། །ཇི་ལྟར་བྱང་ཆུབ
52b7 སེམས་དཔའ་རྣམས། །ནད་མེད་པར་ཡང་འགྱུར་བ་ལགས། །སེམས་ཅན་ཀུན་ལ་སྨན་པའི་ཕྱིར། །དེ་དག་ཇི་ལྟར་དགོངས་པ་འཆང་། །ཇི་ལྟར་དགེ་བ་ལྷག་མར་བཅས། །ཇི་ལྟར་ཐེ་ཚོམ་སྤོང་བར་འགྱུར
iiif viewer powered by OpenSeadragon
