| e-texts navigator |
| Wylie |
51b1 བཅོམ་ལྡན་འདས་ཀྱིས་བཀའ་སྩལ་པ། བྱང་ཆུབ་སེམས་དཔའ་སེམས་དཔའ་ཆེན་པོ་བྲམ་ཟེའི་རིགས་ཆེ་ཞིང་མཐོ་བའི་བུ་འོད་སྲུང་ཆེན་པོ་དང་རུས་གཅིག་པ། ཁྱོད་ཅི་དང་ཅི་འདོད་པ་དེ
51b2 བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཞུས་ཤིག་དང་། ངས་ཞུ་བ་ཞུས་པ་དེ་དང་དེ་ལུང་བསྟན་པས་ཁྱོད་ཀྱི་སེམས་རངས་པར་བྱའོ། །དེ་ནས་བཅོམ་ལྡན
51b3 འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བྲམ་ཟེའི་རིགས་ཆེ་ཞིང་མཐོ་བའི་བུ་འོད་སྲུང་ཆེན་པོ་དང་རུས་གཅིག་པས་འདི་སྐད་ཅེས་གསོལ་ཏོ། །བཅོམ་ལྡན་འདས། དེ་བཞིན
51b4 གཤེགས་པའི་མཐུ་དང་། སེམས་ཅན་ཐམས་ཅད་ཀྱི་དགེ་བའི་རྩ་བའི་མཐུས་བདག་གིས་ཞུ་བར་མི་འཚལ་ན། བདག་ནི། སྦྲང་བུ་དང་འདྲ་ལ། དེ་བཞིན་གཤེགས་པ་ནི། ཙནྡན་ལྟ་བུའི་འཁོར
51b5 ཆེན་པོ་དང་ལྡན་པ་ལགས། སེངྒེ་ལྟ་བུའི་འཁོར་ཆེན་པོ་དང་ལྡན་པ་ལགས། བཻཌཱུཪྱ་དང་། རྡོ་རྗེ་ཆེན་པོ་ལྟར་མི་ཕྱེད་པའི་སྐུ་མངའ་བ་ལགས། མི་ཕྱེད་པའི་འཁོར་དང་ལྡན་པ་ལགས། ཡེ
51b6 ཤེས་རྒྱ་མཚོ་དང་ལྡན་པའི་འཁོར་ཆེན་པོ་མངའ་བ་ལགས། བྱང་ཆུབ་སེམས་དཔའ་སེམས་དཔའ་ཆེན་པོ་ཁ་ཅིག་ཡོན་ཏན་དཔག་ཏུ་མ་མཆིས་པ་དང་ལྡན་པ་དག་ཀྱང་མཆིས་ཏེ། དེ་ལྟར་དཔག
51b7 ཏུ་མ་མཆིས་པའི་འཁོར་མངའ་བའི་དེ་བཞིན་གཤེགས་པ་ལ་དེ་བཞིན་གཤེགས་པའི་མཐུས་བདག་གིས་ཞུ་བའི་རྔོ་ཐོགས་པར་གྱུར་ན། འདིར་བགྱི་བ་མང་དུ་མཆིས་ཏེ། དེ་བཞིན་གཤེགས
iiif viewer powered by OpenSeadragon
