| e-texts navigator |
| Wylie |
4b1 ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ། བཅོམ་ལྡན་འདས་ལ་ལན་འབུམ་བསྐོར་བ་བྱས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་ཕྱོགས་གཅིག་ཏུ
4b2 འཁོད་དོ། །དེའི་ཚེ་ཀོ་ཏ་ཀའི་བུ་མོ་རབ་བཟང་མ་ལ་སོགས་པ་དགེ་སློང་མ་བྱེ་བ་འབུམ་ཕྲག་དྲུག་ཐམས་ཅད་ཀྱང་དགྲ་བཅོམ་པ་ཟག་པ་ཟད་པ། དབང་ཐོབ་པ། བྱ་བ་བྱས་པ། བྱེད་པ་བྱས་པ།
4b3 ཁུར་བོར་བ། ཉོན་མོངས་པ་མེད་པ། གཙོ་མོ་ཆེན་མོ། ཆེན་པོ་སྟོང་པ་ཉིད་ཀྱིས་རང་གི་དོན་ཐོབ་པ་ཤ་སྟག་སྟེ། འདི་ལྟ་སྟེ། ཀོ་ཏ་ཀའི་བུ་མོ་དགེ་སློང་མ་རབ་བཟང་མ་དང་། དགེ་སློང་མ
4b4 ཉེ་དགའ་མོ་དང་། དགེ་སློང་མ་རྒྱ་མཚོ་བློ་གྲོས་དང་། དེ་དག་ལ་སོགས་པ་དགེ་སློང་མ་བྱེ་བ་འབུམ་ཕྲག་དྲུག་སྔ་དྲོ་ཉི་མ་འཆར་ཀར་ཡན་ལག་ཐམས་ཅད་ཀྱི་བ་སྤུ་རྒྱ་སྐྱེགས་ཀྱི་ཤིང་གི
4b5 མེ་ཏོག་ལྟར་རྩ་དམར་བ་ནི། ལངས། མིག་ནི། མཆི་མ་ཁྲག་ལྟ་བུས་གང་སྟེ། མཆོག་ཏུ་སྡུག་བསྔལ་བའི་ཚོར་བ་དང་ལྡན་ནས་སེམས་ཅན་ཐམས་ཅད་ལ་ཕན་པ་དང་། བདེ་བ་དང་།
4b6 སྙིང་བརྩེ་བའི་ཕྱིར་དང་། གདུལ་བར་བྱ་བའི་དབང་གི་དོན་དུ་ཐེག་པ་ཆེན་པོའི་མཆོག་ཏུ་གསང་བ། སྟོང་པ་ཉིད་ཀྱི་རྣམ་པ་དགོངས་པའི་ཚིག་རྣམ་པ་སྣ་ཚོགས་ཀྱི་ཆོས་ཀྱི་སྒོའི་ཚུལ
4b7 བཤད་པར་བྱ་བའི་ཕྱིར་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ། བཅོམ་ལྡན་འདས་ལ་ལན་འབུམ་བསྐོར་བ
iiif viewer powered by OpenSeadragon
