| e-texts navigator |
| Wylie |
44b1 བདེའོ། །སྙམ་པ་དང་། སྡུག་གོ་།སྙམ་པའི་འདུ་ཤེས་ཀུན་ཏུ་སྤྱོད་དོ། །དེ་ལ་བདག་ཅེས་བྱ་བ་ནི། སངས་རྒྱས་ཞེས་བྱ་བའི་དོན་ཏོ། །རྟག་ཅེས་བྱ་བ་ནི། ཆོས་ཀྱི་སྐུ་ཞེས་བྱ་བའི་དོན་ཏོ། །བདེ་ཞེས་བྱ་བ་ནི།
44b2 མྱ་ངན་ལས་འདས་པ་ཞེས་བྱ་བའི་དོན་ཏོ། །སྡུག་ཅེས་བྱ་བ་ནི། ཆོས་ཀྱི་ཚིག་བླ་དྭགས་སོ། །དགེ་སློང་དག་།ཁྱེད་ཀྱིས་བཅོམ་ལྡན་འདས། བདག་ཅག་གིས་ནི། སྡུག་བསྔལ་དང་། མི་རྟག་པ་དང་།
44b3 བདག་མེད་པའི་འདུ་ཤེས་བསྒོམས་ལགས་སོ། །ཞེས་རྒྱགས་པ་དང་། ང་རྒྱལ་གྱིས་དྲེགས་པར་མ་བྱེད་ཅིག་།དེ་ལྟར་རྣམ་པ་གསུམ་བསྒོམས་པར་གྱུར་ན་ནི། ངའི་བསྟན་པ་ལ་ཁྱེད་ཀྱིས
44b4 སྒོམ་པ་རྣམ་པ་གསུམ་བསྒོམས་པ་དེ་སྒོམ་པ་དོན་མེད་པར་འགྱུར་རོ། །སྡུག་བསྔལ་ཤེས་པར་བྱ་བ་སྒོམ་པ་རྣམ་པ་གསུམ་པོ་ནི། ཁྱད་པར་དང་། ཁྱད་པར་གྱིའང་ཁྱད་པར་རོ། །སྡུག་བསྔལ
44b5 ལ་བདེའོ། །སྙམ་དུ་འདུ་ཤེས་པ་ནི། ཕྱིན་ཅི་ལོག་པའོ། །བདེ་བ་ལ་སྡུག་བསྔལ་ལོ། །སྙམ་དུ་འདུ་ཤེས་པ་ནི། ཕྱིན་ཅི་ལོག་པའོ། །མི་རྟག་པ་ལ་རྟག་གོ། །སྙམ་དུ་འདུ་ཤེས་པ་ནི། ཕྱིན་ཅི་ལོག
44b6 པའོ|་|རྟག་པ་ལ་མི་རྟག་གོ་། སྙམ་དུ་འདུ་ཤེས་པ་ནི། ཕྱིན་ཅི་ལོག་པའོ། །བདག་མེད་པ་ལ་བདག་ཏུ་འདུ་ཤེས་པ་ནི། ཕྱིན་ཅི་ལོག་པའོ། །བདག་ཡོད་པ་ལ་བདག་མེད་པར་འདུ་ཤེས་པ་ནི། ཕྱིན
44b7 ཅི་ལོག་པའོ། །མི་སྡུག་པ་ལ་སྡུག་གོ། །སྙམ་དུ་འདུ་ཤེས་པ་ནི། ཕྱིན་ཅི་ལོག་པའོ། །སྡུག་པ་ལ་མི་སྡུག་གོ། །སྙམ་དུ་འདུ་ཤེས་པ་ནི། ཕྱིན་ཅི་ལོག་པ་སྟེ། ཕྱིན་ཅི་ལོག་བཞི་པོ་འདི་དག་ཡང་དག
iiif viewer powered by OpenSeadragon
