| e-texts navigator |
| Wylie |
43a1 འདས་ཀྱི་ཐད་དུ་མཆིས་ནས་སྡུག་བསྔལ་ཐམས་ཅད་ལས་རྣམ་པར་ཐར་པར་གྱུར་ཏེ་མི་གཡོ་བའི་བདེ་བའང་ཐོབ་ལགས་སོ། །བཅོམ་ལྡན་འདས། གཞན་ཡང
43a2 དཔེར་གསོལ་ན། མི་ཞིག་གིས་འབྲས་སྐྱེམས་འཚལ་ཏེ་ར་རོ་བར་གྱུར་ནས་བདག་ཉིད་ཀྱིས་ཀྱང་བདག་ཉིད་མ་འཚལ་ཏེ། ཆོས་ཀྱང་མ་འཚལ། ཆོས་མ་ལགས་པའང་མ་འཚལ།
43a3 འདི་ནི|་བདག་གི་མའོ། །འདི་ནི། བདག་གི་སྲིང་མོའོ། །འདི་ནི། བདག་གི་བུ་མོའོ། །སྙམ་དུའང་མ་འཚལ་ལ། སྨད་ཅིང་བླ་སྟེ། ཕྱི་ས་དང་གཅིན་གྱིས་རང་གི་ལུས་ཀུན་བསྒོས་ཤིང
43a4 མཆིས་པ་ལས་དེའི་འོག་ཏུ་བདག་ཉིད་སངས་ཏེ་གཞི་ཅི་ལས་གྱུར་པ་ལ་མཁས་པར་གྱུར་ནས་ཆང་ནི། ཅིར་ཡང་མི་རུང་ངོ་། །སྙམ་དུ་སེམས་ཏེ། བདག་ནི། སྡིག་པ་ཐམས་ཅད
43a5 ལས་ཐར་ཏོ། །སྙམ་ནས་ཆང་བཏུང་བ་ཅིར་ཡང་མི་རུང་བར་ཤས་ཆེར་བསྒོམས་ཏེ་སྤོང་བར་བགྱིད་པ་དེ་བཞིན་དུ། བཅོམ་ལྡན་འདས། འཚོ་བའི་འཇིག་རྟེན་འདི་ནི། ཟློས་གར
43a6 མཁན་བཞིན་དུ་ཐོག་མ་མ་མཆིས་པ་ནས་འཁོར་བ་ན་འཁོར་ཞིང་ཡོངས་སུ་འཁྱམས་པ་ན། འདི་ནི། བདག་གི་མའོ། །འདི་ནི། བདག་གི་སྲིང་མོའོ། །འདི་ནི། བདག་གི་བུ་མོའོ། །སྙམ་དུ
43a7 མ་འཚལ་ནས་མ་དང་། སྲིང་མོ་དང་། བུ་མོ་རྣམས་དང་ལྷན་ཅིག་ཏུ་འདོད་པའི་འདུ་ཤེས་སྤྱོད་པར་བགྱིད་དེ། འབྲས་སྐྱེམས་ཀྱིས་ར་རོ་བར་གྱུར་པ་དེ་བཞིན་དུ་སྡུག་བསྔལ་རྙེད་པར་གྱུར
iiif viewer powered by OpenSeadragon
