| e-texts navigator |
| Wylie |
42b1 སྨན་པ་ཆེན་པོ་དང་ཕྲད་ན་འབྱུང་པོ་དང་། ཤ་ཟའི་གདོན་རྣམས་ཀྱིས་ཐེབས་པ་ཐམས་ཅད་ལས་ཐར་པར་འགྱུར་བ་དེ་བཞིན་དུ་ཁྱོད་དང་མཇལ་ན། ཉན་ཐོས་ཀྱི་ཚོགས་ཐམས་ཅད་མི
42b2 ཤེས་པ་རྣམ་པ་སྣ་ཚོགས་ཀྱི་འབྱུང་པོ་དང་། ཤ་ཟའི་གདོན་རྣམས་ལས་ཡོངས་སུ་ཐར་པར་འགྱུར་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་ཁོང་དུ་ཆུད་པར་བགྱིད་ལགས་སོ། །
42b3 བཅོམ་ལྡན་འདས། དཔེར་གསོལ་ན། གླང་པོ་ཆེའི་འདུལ་སྦྱོང་གི་མཁན་པོས་སྤོས་ཀྱི་གླང་པོ་ཆེ་ཞགས་པ་ཆེན་པོས་བཅིངས་པ་ལས་གླང་པོ་ཆེའི་ཞགས་པ་དེ་བཅད་དེ་བྲོས་པ་དེ
42b4 བཞིན་དུ། བཅོམ་ལྡན་འདས། བདག་ཅག་ཀྱང་བདག་ཏུ་འཛིན་པ་དང་། བདག་གིར་འཛིན་པ་དང་། ཕྲག་དོག་དང་། དང་ན་འཐེན་དང་། སེར་སྣ་དང་། གཡོའི་ཞགས་པ་ཆེན་པོ་བཅད
42b5 ནས་གླང་པོ་ཆེའི་འདུལ་སྦྱོང་གི་མཁན་པོ་དེ་བཞིན་གཤེགས་པའི་ལག་ཏུ་འོངས་ན་སེམས་ཅན་ཐམས་ཅད་ལས་ཉོན་མོངས་པའི་གླང་པོ་ལྔ་བཅུ་རྩ་བདུན་ཡོངས་སུ་བསལ་བར་བགྱིའོ། །
42b6 བཅོམ་ལྡན་འདས། དཔེར་གསོལ་ན། གྲང་བའི་རིམས་ཀྱིས་ཐེབས་པ་སྨན་པ་ཆེན་པོའི་ཐད་དུ་མཆིས་ན། སྡུག་བསྔལ་ལས་ཐར་པར་འགྱུར་བ་དེ་བཞིན་དུ། བཅོམ་ལྡན་འདས། བདག
42b7 ཅག་ཀྱང་ཉོན་མོངས་པ་དང་། ལོག་པར་ལྟ་བ་དང་། ལོག་པའི་འཚོ་བའི་ཉེས་དམིགས་མཐའ་ཡས་པའི་གྲང་བའི་རིམས་ནད་ཅན་གྱི་ལུས་དང་ལྡན་པ་ལས་སྨན་པ་ཆེན་པོ་བཅོམ་ལྡན
iiif viewer powered by OpenSeadragon
