| e-texts navigator |
| Wylie |
42a1 བཅོམ་ལྡན་འདས། དཔེར་གསོལ་ན། སྟོན་གྱི་དུས་སུ་ཞིང་པས་རྨོས་ཆེར་བཏབ་སྟེ་རྩ་བ་འཛིངས་པ་ཐམས་ཅད་སེལ་བར་བགྱིད་པ་དེ་བཞིན་དུ། བཅོམ་ལྡན་འདས
42a2 མི་རྟག་པའི་འདུ་ཤེས་བསྟེན་ཅིང་བསྒོམས་ཏེ་མང་དུ་བགྱིས་པས་འདོད་པའི་འདོད་ཆགས་ཐམས་ཅད་ཟད་པར་འགྱུར། གཟུགས་ཀྱི་འདོད་ཆགས་ཐམས་ཅད་ཟད་པར་འགྱུར། གཟུགས
42a3 མེད་པའི་འདོད་ཆགས་ཐམས་ཅད་ཟད་པར་འགྱུར། མ་རིག་པ་ཐམས་ཅད་ཟད་པར་འགྱུར། ལྷག་པའི་ང་རྒྱལ་ཐམས་ཅད་མ་ལུས་པར་ཡང་དག་པར་ཟད་པར་འགྱུར་རོ། །ཞིང་སླས་ཐམས
42a4 ཅད་ཀྱི་ནང་ན་ནི། སྟོན་གྱི་ཞིང་སླས་མཆོག་ཏུ་བསྟན་ཏོ། །ཞེས་བྱ་བ་ལ་སོགས་པ་གླང་པོ་ཆེའི་རྗེས་ལྟ་བུའི་མདོ་ལས་འབྱུང་བ་བཞིན་དུ་རྒྱས་པར་སྦྱར་རོ། །བཅོམ་ལྡན་འདས། དཔེར
42a5 གསོལ་ན། རྒྱལ་པོ་འཆི་བའི་ཚེ་བ་དག་གི་བཙོན་ར་བསལ་ཏེ། སེམས་ཅན་རྣམས་བཙོན་རའི་གནོད་པས་སྙོན་སྨོངས་པ་ལས་ཐར་པར་བགྱིས་ནས་དེའི་འོག་ཏུ་འཆི་བར་བགྱིད་པ་དེ
42a6 བཞིན་དུ། བཅོམ་ལྡན་འདས། ཁྱོད་ཀྱིས་ཀྱང་སེམས་ཅན་མི་ཤེས་པ་རྣམ་པ་སྣ་ཚོགས་ཀྱི་བཙོན་རར་བྲུབས་པ་རྣམས་ཀྱི་མི་ཤེས་པའི་འཆིང་བ་རྣམས་བཅད་ནས་དེའི་འོག་ཏུ་ཡོངས་སུ
42a7 མྱ་ངན་ལས་འདའ་བར་གཤེགས་སུ་གསོལ། བཅོམ་ལྡན་འདས། གཞན་ཡང་དཔེར་གསོལ་ན། སེམས་ཅན་འབྱུང་པོ་དང་། ཤ་ཟའི་གདོན་གྱིས་བརླམས་པ་ལས
iiif viewer powered by OpenSeadragon
