| e-texts navigator |
| Wylie |
41a1 ཆོས|་|ཐམས་ཅད་མི་སྨྲ་འཁོད་པར་གྱིས། །བག་མེད་པར་ནི་མ་གནས་པར། །བག་ཡོད་པ་ལ་དགའ་བར་གྱིས། །ཁྱེད་སྟོང་པ་དང་སྟོང་པ་མ་ཡིན་པའམ། རྟག་པ་དང
41a2 མི་རྟག་པའམ། སྐྱབས་དང་སྐྱབས་མ་ཡིན་པའམ། འགྲོ་བ་དང་མི་འགྲོ་བའམ། རྟེན་དང་རྟེན་མ་ཡིན་པའམ། ཐེར་ཟུག་དང་ཐེར་ཟུག་མ་ཡིན་པའམ། བརྟན་པ་དང་བརྟན་པ་མ་ཡིན་པའམ།
41a3 སེམས་ཅན་དང་སེམས་ཅན་མེད་པའམ། ཡང་དག་པ་དང་ཡང་དག་པ་མ་ཡིན་པའམ། བདེན་པ་དང་བདེན་པ་མ་ཡིན་པའམ། མྱ་ངན་ལས་འདས་པ་དང་མྱ་ངན་ལས་འདས་པ་མ་ཡིན་པའམ།
41a4 གསང་བ་དང་གསང་བ་མ་ཡིན་པའམ། གཉིས་དང་གཉིས་སུ་མེད་པའམ། དེ་བཞིན་དུ་ཆོས་རྣམ་པ་དུ་མ་དག་ལ་སོམ་ཉིའམ། ཡིད་གཉིས་སམ། ཐེ་ཚོམ་ཟ་བ་ཅི་དང་ཅི་ཡོད་པ་དེ་དང་། དེ་དག
41a5 ང་ལ་ཞུས་ཤིག་དང་ཐམས་ཅད་གཅད་པར་བྱའོ། །བདུད་རྩིའི་མཆོག་ཀྱང་ཁྱེད་ལ་བསྟན་པར་བྱ་སྟེ། དེའི་འོག་ཏུ་ཡོངས་སུ་མྱ་ངན་ལས་འདའ་བར་བྱའོ། །དགེ་སློང་དག། སངས་རྒྱས་འབྱུང་བ
41a6 རྙེད་པར་དཀའོ། །མིའི་ལུས་ཐོབ་པ་རྙེད་པར་དཀའོ། །དད་པ་ཕུན་སུམ་ཚོགས་པ་རྙེད་པར་དཀའོ། །བཟོད་པ་དང་ཚུལ་ཁྲིམས་ཕུན་སུམ་ཚོགས་པ་མ་ཞིག་མ་རལ་པའང་ཤིན་ཏུ་རྙེད་པར
41a7 དཀའོ|་|འཇིག་རྟེན་ན་དགྲ་བཅོམ་པ་ཐོབ་པ་ནི། གསེར་གྱི་ཕྱེ་མ་དང་། ཨུ་དུམ་ཝ་རའི་མེ་ཏོག་བཞིན་དུ་རྙེད་པར་དཀའོ། །དགེ་སློང་དག་།འདི་ལྟ་སྟེ། ས་ནི། ཐམས་ཅད་ཀྱི་སྒོ་ནས་སེམས
iiif viewer powered by OpenSeadragon
