| e-texts navigator |
| Wylie |
3b1 བར་གཤེགས་པ་ལས་ལྡོག་ལ་བསྒྲིམ་མི་དགོས་པར་བསྐལ་པའམ། བསྐལ་པ་ལས་ལྷག་པར་ཡན་བཞུགས་པར་གསོལ་བ་གདབ་བོ། །ཞེས་ཟེར་ཏེ། གཅིག་ལ་གཅིག་འཇུས
3b2 ནས་འདི་སྐད་དུ། ཀྱེ་མ་འཇིག་རྟེན་སྟོངས་པར་འགྱུར་རོ། །ཀྱེ་མ་འཇིག་རྟེན་སྟོངས་པར་འགྱུར་རོ། །ཀྱེ་མ་སེམས་ཅན་རྣམས་ཀྱི་བསོད་ནམས་ཀྱི་ལས་ཀྱི་རྣམ་པར་སྨིན་པ་ནི། ཟད་དོ། །
3b3 ལས་མི་བཟད་པ་ནི། བྱུང་ངོ་། །ཚེ་དང་ལྡན་པ་དག་།མྱུར་ཅིག་།ཚེ་དང་ལྡན་པ་དག་།མྱུར་ཅིག་།དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་དེང་གི་ཡུད་ཙམ་འདི་ལ
3b4 ཡོངས་སུ་མྱ་ངན་ལས་འདའ་བར་འགྱུར་རོ། །ཀྱེ་མ་འཇིག་རྟེན་སྟོངས་པར་འགྱུར་རོ། །ཀྱེ་མ་འཇིག་རྟེན་སྟོངས་པར་འགྱུར་རོ། །དེ་བཞིན་གཤེགས་པ་མི་བཞུགས་ན་བདག་ཅག་མགོན
3b5 མེད་པ་དང་། རྩ་ལག་མེད་པ་དང་། ཕོངས་པར་ཇི་ལྟར་མི་འགྱུར་ཞིག་གུ། བདག་ཅག་གི་ཐེ་ཚོམ་དང་། སོམ་ཉི་ཅི་དང་ཅི་ཡོད་པ་དེ་དང་། དེ་དག་ཞུ་བར་བྱའོ། །ཞེས་ཀྱང་ཟེར་ཏོ། །ཉན་ཐོས་ཆེན
3b6 པོ་འདི་དག་ཀྱང་དེ་ན་འཁོད་དེ། འདི་ལྟ་སྟེ། གནས་བརྟན་ཀཱ་ཏྱཱ་ཡ་ན་ཆེན་པོ་དང་། གནས་བརྟན་པ་ཀུ་ལ་དང་། གནས་བརྟན་ཉེ་དགའ་བོ་དང་། དེ་དག་ལ་སོགས་པ་གཞན་དག་ཀྱང་དེ་ན་འཁོད
3b7 དེ|་དེ་དག་ལ་འོད་ཟེར་གྱིས་ཕོག་ནས་འདར། རབ་ཏུ་འདར། དམ་དམ། རབ་ཏུ་དམ་དམ། འཁྲུགས། རབ་ཏུ་འཁྲུགས། བརྟབས། རབ་ཏུ་བརྟབས། འུར་འུར། རབ་ཏུ་འུར་འུར།
iiif viewer powered by OpenSeadragon
