| e-texts navigator |
| Wylie |
38b1 བླགས་ནས་གསོལ་པ། ལེགས་ལགས་སོ། །ལེགས་ལགས་སོ། །བཅོམ་ལྡན་འདས་ཀྱིས་ཇི་སྐད་བཀའ་སྩལ་པ་དེ་བཞིན་དུ་བདག་གིས་བགྱིའོ། །དེ་བཞིན་གཤེགས་པ་ཡོངས་སུ་མྱ་ངན
38b2 ལས་འདས་པའི་འོག་ཏུ་ཇི་ལྟར་བལྟ་བ་དེ་ནི། བདག་ཅག་སྦྲང་བུ་དང་འདྲ་བ་རྣམས་ཀྱི་ཡུལ་ཡང་མ་ལགས། ཉན་ཐོས་དང་རང་སངས་རྒྱས་ཀྱི་ཡུལ་ཡང་མ་ལགས་སོ། །ཞེས་གསོལ་ཏོ། །དེ་ནས
38b3 མྱ་ངན་བྱེད་ཅིང་དུ་བཞིན་དུ་གཡོག་འཁོར་དང་བཅས་པས་བཅོམ་ལྡན་འདས་ལ་བསྐོར་བ་བྱས་ཏེ་མཆོད་པ་ཆེན་པོའི་ལས་བྱས་ནས་བཅོམ་ལྡན་འདས་དང་། འཇམ་དཔལ་གཞོན་ནུར་གྱུར་པ
38b4 ལ་ཕྱག་བཙལ་ཏེ་ཞལ་ཟས་ལེན་དུ་སོང་ངོ་། །འཕགས་པ་ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མདོ། བམ་པོ་གསུམ་པ། དེ་ནས་དེའི་ཚེ་ས་ཆེན་པོ་གཡོས། རབ་ཏུ་གཡོས།
38b5 འགུལ|་རབ་ཏུ་འབུལ། འཁྲུགས། རབ་ཏུ་འཁྲུགས། འཁོར། རབ་ཏུ་འཁོར། འུར་འུར། རབ་ཏུ་འུར་འུར། ཤིག་ཤིག། རབ་ཏུ་ཤིག་ཤིག་།མེར་མེར། རབ་ཏུ་མེར་མེར། ལྡེམ་ལྡེམ།
38b6 རབ་ཏུ་ལྡེམ་ལྡེམ་མོ། །དེ་ལ་སོགས་པ་བྱས་ཏེ་མི་མཁྲིས་པའི་ནད་ཀྱིས་བརྒྱལ་བའི་གནོད་པས་ཐེབས་པ་བཞིན་དུ་ས་ཆེན་པོ་འདི་རྒྱ་མཚོ་དུག་ཅན་པའི་མཐས་གཏུགས་པ་ཚངས་པའི་འཇིག་རྟེན་མན
38b7 ཆད་ཐོག་ཐག་ཏུ་རབ་ཏུ་གཡོས་སོ། །དེ་ནས་ལྷ་དང་། ལྷ་མ་ཡིན་དང་། མི་དེ་དག་ཐམས་ཅད་མགོ་རྨོངས་ཏེ་འཇིགས་ཤིང་སྐྱི་བུང་ཞེས་བྱས་ནས་དུ་བཞིན་དུ་ཆིག་མཐུན་པར་ཚིགས་སུ་བཅད
iiif viewer powered by OpenSeadragon
