| e-texts navigator |
| Wylie |
38a1 འདས|་དེ་ནི། དེ་བཞིན་དུ་འཇལ་ལགས་ནས། ཧ་ཅང་སྡུག་བསྔལ་ཆེན་པོ་མི་བཟོད་ལགས་སོ། །བཅོམ་ལྡན་འདས་ཐབས་ཀྱིས་ཡོངས་སུ་མྱ་ངན་ལས་འདའ་བར
38a2 མཛད་པ་ལ་ནི། བདག་གློ་བ་རངས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། སྐུལ་བྱེད། ལེགས་སོ། །ལེགས་སོ། །རིགས་ཀྱི་བུས་ནི། ངའི་མྱ་ངན་ལས་འདས་པ་ཐབས་དེ
38a3 ལྟར་བལྟ་བར་བྱའོ། །སྐུལ་བྱེད། སངས་རྒྱས་གཤེགས་པ་ནི། བྱ་བཞད་གཟས་ལ་འགྲོ་བ་ལྟ་བུར་ཤེས་པར་གྱིས་ཤིག་།སྐུལ་བྱེད། ཚེ་རིང་བ་དང་། ཚེ་རིང་བ་མ་ཡིན་པའི་རྟགས་ཤེས་པར
38a4 གྱིས་ཤིག་། སྐུལ་བྱེད། ཆོས་ཐམས་ཅད་ནི། སྒྱུ་མའི་ཆོས་ཅན་ནོ། །དེ་བཞིན་གཤེགས་པ་ནི། ཆོས་ཐམས་ཅད་ལ་ཐབས་ཀྱི་ཆོས་ཅན་ཡིན་ལ། དེ་རྣམས་ཀྱིས་ཀྱང་གོས་པར་མི
38a5 འགྱུར་བ་དེ་ནི། སངས་རྒྱས་བཅོམ་ལྡན་འདས་རྣམས་ཀྱི་རང་བཞིན་ནོ། །སྐུལ་བྱེད། ཁྱོད་སྲིད་པའི་རྒྱ་མཚོ་ལས་ངེས་པར་བརྒལ་བར་བྱ་བ་ནི་ཕྱིར་ཞལ་ཟས་སྨྱུར་ཏེ་འོན་ཅིག་།ལྷ་དང་། ལྷ
38a6 མ་ཡིན་དང་། མི་རྣམས་ཀྱིས་ཀྱང་ང་ལ་རང་རང་གི་མཆོད་པ་བྱས་ནས་མི་གཡོ་བའི་བདེ་བ་ཐོབ་པར་གྱུར་ཅིག་།ཁྱོད་ཀྱིས་ཀྱང་སྣོད་དུ་གྱུར་པ་ལ་དུས་སུ་སྦྱིན་པ་གྱིས་ཤིག་།མ་ཐོགས་ཤིག།
38a7 སྣོད་དུ་གྱུར་པ་དང་། ང་དང་། དེ་བཞིན་གཤེགས་པ་ཞེས་བྱ་བ་ནི། དོན་ཐ་དད་པ་མ་ཡིན་ནོ། །དེ་ནས་སྐུལ་བྱེད་ཀྱིས་སེམས་ཅན་ཐམས་ཅད་ངེས་པར་བསྒྲལ་བའི་ཕྱིར་མགོ་སྨད་དེ་མཆི་མ
iiif viewer powered by OpenSeadragon
