| e-texts navigator |
| Wylie |
37b1 རྡོས་པ་དང་། སྒྱུ་མ་དང་། རྫ་མཁན་གྱིས་བྱས་པའི་སྣོད་དང་། གློག་ལྟ་བུར་ཁོང་དུ་ཆུད་པར་གྱིས་ཤིག་།འདུས་བྱས་ནི། ཉེས་པ་གྲངས་མེད་པའི་འབྱུང་གནས་ཡིན་ནོ། །སྙམ་དུ་ཤེས་པར་གྱིས་ཤིག་།
37b2 འདུས་བྱས་ཀྱི་རང་བཞིན་ལ་ལྟོས་ཤིག་།དེ་ནས་བཅོམ་ལྡན་འདས་ལ་སྐུལ་བྱེད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་དང་སེམས་ཅན་ཐམས་ཅད་ལ་ཐུགས་བརྩེ་བའི་སླད་དུ་དེ
37b3 བཞིན་གཤེགས་པ་ཡུན་རིང་དུ་བཞུགས་སུ་མི་གནང་ན། བདག་ཅིའི་སླད་དུ་མི་ངུ་ལགས། འཇིག་རྟེན་སྟོངས་ཀྱི། མ་མཆིས་སོ། །དེ་ནས་བཅོམ་ལྡན་འདས་ཀྱིས་སྐུ་ལ་བྱེད་ལ་འདི་སྐད་ཅེས
37b4 བཀའ་སྩལ་ཏོ། །ང་ནི། ཁྱོད་ལ་སྙིང་བརྩེ་བ་དང་། སེམས་ཅན་ཐམས་ཅད་ལ་སྙིང་བརྩེ་བའི་ཕྱིར་ཡོངས་སུ་མྱ་ངན་ལས་འདའ་བར་བྱེད་དེ། འདི་ནི། སངས་རྒྱས་རྣམས་ཀྱི་ཆོས་ཉིད་དང་། འདུས
37b5 བྱས་ཀྱི་ཆོས་ཉིད་དོ། །འདུ་བྱེད་ཐམས་ཅད་མི་རྟག་གོ་།ཞེས་བྱ་བའི་ཚིགས་སུ་བཅད་པ་ཁོང་དུ་ཆུད་པར་གྱིས་ཤིག་།ཆོས་ཐམས་ཅད་ནི། འདུ་བྱེད་དང་འདྲེས་པའི་ཕྱིར་སྡུག་བསྔལ་བའོ། །སྙམ་དུ
37b6 རྟོགས་ཤིག་། ཆོས་ཐམས་ཅད་ནི། བདག་མེད་པའོ། །སྙམ་དུ་དཔྱོད་ཅིག་།མི་བརྟན་པ། བརྙན་པ། ཕྱིན་ཅི་ལོག་པའོ། །སྙམ་དུ་སོམས་ཤིག་།ལུས་འདི་ནི། ཉེས་དམིགས་མཐའ་ཡས་པ་དང
37b7 ལྡན་པའོ། །སྙམ་དུ་ཤེས་པར་གྱིས་ཤིག་།འདི་ནི། དབུ་བ་དང་འདྲ་བར་ལྟོས་ལ་མ་ངུ་ཞིག་།ཡི་མ་ཆད་ཅིག་།དེ་ནས་བཅོམ་ལྡན་འདས་ལ་སྐུལ་བྱེད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན
iiif viewer powered by OpenSeadragon
