| e-texts navigator |
| Wylie |
36b1 བཅོམ་ལྡན་འདས་མཉེས་སམ། འོན་ཏེ་སེམས་ཅན་ཐམས་ཅད་ལའང་མཉེས། འཇམ་དཔལ་གྱིས་སྨྲས་པ། ཅི་བཅོམ་ལྡན་འདས་ལྟ་ཁྱོད་དང་། བདག་དང་། སེམས་ཅན་ཐམས་ཅད་ལའང་མི
36b2 མཉེས་སམ། སྐུལ་བྱེད་ཀྱིས་སྨྲས་པ། དེ་སྐད་མ་ཟེར་ཅིག་།གང་ལ་མགུ་བ་ཡོད་པ་དེ་ལ་ཕྱིན་ཅི་ལོག་གི་འདུ་ཤེས་ཡོད་དེ། འུ་བུ་ཅག་ནི། དེ་ལ་སྤྱོད་དོ། །དེ་བཞིན་གཤེགས་པ་ལ་ནི། མཉེས་པའམ
36b3 དགྱེས་པ་མེད་དོ། །འདི་ལྟར་དེ་བཞིན་གཤེགས་པ་ནི། བ་བེའུ་ལ་བྱམས་པའི་ཕྱིར་རྩཝ་ཟོས་ཤིང་ཟོས་ཤིང་གྲོང་ཉིད་དུ་འོང་བ་དེ་ལྟ་བུའི་བྱམས་པ་དང་ལྡན་པ་མ་ཡིན་གྱི། སེམས་ཅན་ཐམས་ཅད
36b4 ལའང་སྒྲ་གཅན་ཟིན་དང་འདྲ་བར་གཟིགས་ཏེ། སངས་རྒྱས་ཀྱི་ཤེས་རབ་ཀྱི་ཡུལ་ནི། དེ་ལྟ་བུ་ཡིན་ནོ། །བཙུན་པ་འཇམ་དཔལ། དཔེར་ན། རྟ་ཅང་ཤེས་དང་སྦྱར་བའི་ཤིང་རྟ་རྒྱུག་པའི་ཟླ་ལ་བོང
36b5 བུའི་ཤིང་རྟ་རྒྱུག་པ་མི་སྲིད་པ་དེ་བཞིན་དུ་འུ་བུ་ཅག་བོང་བུའི་ཤིང་རྟ་དང་འདྲ་བ་དག་གིས་དེ་བཞིན་གཤེགས་པའི་ཤེས་རབ་དང་འདྲ་བ་དང་། དགོངས་པའི་ཚིག་དང་མཉམ་དུ་འགྲོ་བར་ནུས་རེ་སྐན།
36b6 དཔེར་ན། ནམ་མཁའ་ལྡིང་དཔག་ཚད་དུ་མར་འགྲོ་བ་ནམ་མཁའ་ལ་གནས་པས་ཆུའི་ནང་ན་ཉ་དང་རུས་སྦལ་འཁོད་པ་རྣམས་མེ་ལོང་གི་ངོས་ལ་རང་གི་གཟུགས་བརྙན་སྣང་བ་བཞིན་དུ་གསལ
36b7 བར་མཐོང་ཡང་བྱིས་པ་རྣམས་ཀྱིས་ནི། མིག་མི་གསལ་བའི་ཕྱིར་དེའི་མིག་གི་རྩལ་བརྗོད་པར་མི་ནུས་པ་དེ་བཞིན་དུ་དེ་བཞིན་གཤེགས་པའི་ཡང་དེ་དང་འདྲའོ། །འཇམ་དཔལ་གྱིས་སྨྲས་པ། སྐུལ
iiif viewer powered by OpenSeadragon
