| e-texts navigator |
| Wylie |
35b1 དཔལ|་དེ་བཞིན་གཤེགས་པ་ལ་འདུས་བྱས་དང་འདྲ་བར་མ་ལྟ་ཞིག་། ད་ཕྱིན་ཆད་འཁོར་བར་རྒྱུ་བ་ན་མི་ཤེས་པ་ལ་བཟླས་ཏེ་བཅོམ་ལྡན་འདས་ནི། འདུས་མ་བྱས་པའོ། །སྙམ་པའི་ཤེས་པ་འབའ
35b2 ཞིག་རྟོགས་པར་གྱིས་ཤིག། དེ་ལྟར་བྱས་པ་དང་སྒོམ་པ་དེའི་འབྲས་བུས་ཁྱོད་མྱུར་བ་ཁོ་ནར་དེ་བཞིན་གཤེགས་པ་བཞིན་དུ་མཚན་སུམ་ཅུ་རྩ་གཉིས་དང་ལྡན་པར་འགྱུར་རོ། །དེ་ནས་འཇམ་དཔལ
35b3 གཞོན་ནུར་གྱུར་པས། མགར་བའི་བུ་སྐུལ་བྱེད་ལ་འདི་སྐད་ཅེས་སྨྲས་སོ། །ལེགས་སོ། །ལེགས་སོ། །ཚེ་རིང་བར་གྱུར་ཅིག་།རིགས་ཀྱི་བུས་ནི། དེ་ལྟར་བྱ་བ་ཡིན་ནོ། །རིགས་ཀྱི་བུ། ཁྱོད་ཀྱིས་དེ་བཞིན
35b4 གཤེགས་པ་རྟག་པ་དང་། ཐེར་ཟུག་དང་། འདུས་མ་བྱས་པ་དང་། བརྟན་པར་ཤེས་སོ། །ད་ལྟར་ཁྱོད་ཀྱིས་འདི་ཁོ་ན་ལྟར་འདུས་བྱས་ཁོང་བརླག་ཏུ་བཏང་བའི་སྒོ་ནས་ཤེས་པ་ལས་ན། ཁྱོད་ཀྱང་རིང་པོ་མི
35b5 ཐོགས་པར་དེ་བཞིན་གཤེགས་པ་ཇི་ལྟ་བ་བཞིན་དུ་འགྱུར་རོ། །སངས་རྒྱས་ཉིད་ཀྱིས་ཀྱང་དེ་ལྟར་འུ་བུ་ཅག་གཉིས་ཀྱིས་ཁྱད་པར་དུ་འཕགས་པའི་བསྔགས་པ་བརྗོད་དོ། །ཞེས་ཕྱིས་བསྔགས་པར
35b6 འགྱུར་རོ། །སྐུལ་བྱེད། དེ་བཞིན་གཤེགས་པའི་བཤོས་མྱུར་ཅིག་།སྦྱིན་པ་ཐམས་ཅད་ཀྱི་ནང་ན་ནི། སྨྱུར་ཏེ་སྦྱིན་པ་མཆོག་ཡིན་ནོ། །དེ་ལ་སྨྱུར་ཏེ་སྦྱིན་ན་ཞེས་བྱ་བ་ནི། སྦྱིན་པའི་ཕ་རོལ་ཏུ་ཕྱིན་པ
35b7 ཐམས་ཅད་ཀྱི་ས་བོན་ལས་མྱུ་གུ་འབྱུང་བར་བྱ་བའི་ཕྱིར་གང་གི་ཚེ་དགེ་སློང་དམ། དགེ་སློང་མའམ། དགེ་བསྙེན་ནམ། དགེ་བསྙེན་མའང་རུང་སྟེ། དོན་འགའ་ཞིག་གི་ཕྱིར་ལམ་དུ་ཞུགས་ནས
iiif viewer powered by OpenSeadragon
