| e-texts navigator |
| Wylie |
34b1 ཁྱེའུ་དེ་ཁྱེར་བཞིན་དུ་གངྒཱའི་ནང་དུ་ཤི་ནས་དེ་བུ་དེ་ལ་བྱམས་པའི་བསོད་ནམས་ཀྱི་ཁྱད་པར་གྱིས་ལུས་དང་བྲལ་ཏེ་ཤི་བའི་འོག་ཏུ་ཚངས་པའི་འཇིག་རྟེན་དུ་སྐྱེས་ཏེ། བྱམས་པའི་བསོད་ནམས་ཀྱི
34b2 ཁྱད་པར་ཇི་ལྟ་བུ་ཞིག་གིས་སྐྱེས་ཤ་ན། བདག་ནི། ཤིའང་བླའི། ཁྱེའུ་འདི་ཉེ་ཞོ་མེད་པར་ཐར་པར་བྱའོ། །སྙམ་པའི་བསོད་ནམས་ཀྱི་ཁྱད་པར་གྱིས་སྐྱེས་པ་དེ་བཞིན་དུ། བཙུན་པ་འཇམ
34b3 དཔལ|་སྐྱེས་བུ་དམ་པ་དམ་པའི་ཆོས་དབྱུང་བར་འདོད་པས། དེ་བཞིན་གཤེགས་པ་འདུ་བྱེད་དུ་གྱུར་པར་བལྟ་བར་མི་བྱ་ཞིང་། འདུ་ཤེས་ཀྱང་བསྒྱུར་བར་མི་བྱའོ། །གལ་ཏེ་དེ་ལྟ་བུའི་མིག
34b4 ལུས་ལ་མེད་ནའང་བཅོམ་ལྡན་འདས་ནི། བསམ་གྱིས་མི་ཁྱབ་བོ། །སྙམ་དུ་ཡང་དག་པའི་ལྟ་བ་ཅན་དུ་བྱའོ། །སེམས་ཅན་ཐམས་ཅད་ལ་ཕན་པའི་གདམས་ངག་སྟོན་པས་ནི། དེ་བཞིན
34b5 གཤེགས་པ་འདུས་མ་བྱས་པ་ཡིན་ནོ། །ཞེས་བསྟན་པར་བྱའོ། །དམ་པའི་ཆོས་འབྱིན་པར་བྱེད་པས་ནི། ཇི་ལྟར་བུད་མེད་གཞོན་ནུ་དབུལ་མོས་གངྒཱའི་ཀླུང་ལས་བུ་བསྒྲལ་བའི་ཕྱིར་རང་གི
34b6 སྲོག་དང་བསྡོས་ཏེ་འབད་པ་དེ་བཞིན་དུ་བྱའོ། །དམ་པའི་ཆོས་དབྱུང་བའི་ཐབས་བྱ་བའི་ཕྱིར་དེ་བཞིན་གཤེགས་པ་ནི། འདུས་མ་བྱས་པའོ། །སྙམ་དུ་སེམས་བསྐྱེད་པར་བྱའོ། །དེ་བཞིན་གཤེགས
34b7 པ་འདུས་མ་བྱས་པར་མཐོང་ན་བདག་ཉིད་ཀྱིས་དོན་དུ་བྱ་བའི་ཐར་པའི་དོན་རྟོགས་པར་འགྱུར་རོ། །བཙུན་པ་འཇམ་དཔལ། དཔེར་ན། མི་ལ་ལ་ཞིག་ལམ་དུ་འགྲོ་བས་དུབ་པར་གྱུར་ཏེ་ཁྱིམ་གྱི་ནང་དུ
iiif viewer powered by OpenSeadragon
