| e-texts navigator |
| Wylie |
34a1 དེ་སྐར་མཁན་དག་གིས་མཐོང་ནས་ཁྱེའུ་འདི་ནི། ཚེ་ཐུང་ངོ་། །ཞེས་བསྟན་ཏེ། དེའི་ཕ་མས་དེ་སྐད་ཐོས་ན། འདི་ནི། བདག་ཅག་གི་ཁྱིམ་དུ་ཕན་པར་འགྱུར་བ་མ་ཡིན
34a2 ནོ|་|སྙམ་ནས་གྲངས་སུའང་མི་རྩི་ཞིང་དེ་ལ་བྱམས་པར་མི་བྱེད་དོ། །དེ་ལྟར་སྐྱེས་པའམ། བུད་མེད་དམ། ལྷའམ། ཚངས་པའང་རུང་སྟེ། གང་ཚེ་ཐུང་བ་དེ་ལ་ཁྱད་དུ་གསོད་པར་གྱུར་ན། གལ་ཏེ
34a3 དེ་བཞིན་གཤེགས་པ་ཆོས་འབའ་ཞིག་ལ་ཡང་དག་པར་གཞོལ་བ་ཉིད་འདུ་བྱེད་དུ་གྱུར་དུ་ཟིན་ན། འཇིག་རྟེན་ཐམས་ཅད་ཀྱིས་བརྙས་པར་འགྱུར་རོ། །ཆོས་ཐམས་ཅད་ཀྱི་ནང་ན་ནི། ཕྱིར
34a4 ལྟུང་བ་མེད་ཅིང་ཟད་པ་མེད་པ་ལ་ཐར་པ་ཞེས་བཤད་ན། གལ་ཏེ་དེ་ལྟར་གྱུར་ན་དོན་མེད་པར་གྱུར་གྱི། བཙུན་པ་འཇམ་དཔལ། དེ་བཞིན་གཤེགས་པ་འདུ་བྱེད་དུ་གྱུར་ཅེས་དེ་སྐད་དུ་མ
34a5 གསུང་ཞིག་། དཔེར་ན། བུད་མེད་གཞོན་ནུ་དབུལ་མོ། །བཀྲེན་མ། མགོན་མེད་པ། ནད་ཀྱིས་ཐེབས་པ། བར་མ་དོར་སྡུག་བསྔལ་བར་གྱུར་པ། སྦྲུམ་པས་ཉེན་པ་ཞིག་མགོན་མེད་པ་ཁང་པ
34a6 ཟ་ཧིག་ཏུ་སོང་བ་ལས་བུ་མོ་དེ་བུ་བྱུང་ནས་དེ་ན་སྔ་ནས་གནས་པ་གཞན་དག་གིས་དེ་དེའི་ནང་ནས་བསྐྲད་དེ་ཉོན་མོངས་མ་དེ་བུ་བཙས་མ་ཐག་ཏུ་བྱིས་པ་ཁ་དམར་ཁྱེར་ནས་ལོ་ལེགས་པའི་ཡུལ་ཞིག་ཏུ
34a7 ཆས་ཏེ་སོང་བ་ལས་ལམ་དུ་ཤ་སྦྲང་དང་། སྦྲང་བུ་དང་། རླུང་དང་། ཉི་ཚན་དང་། སྡིག་སྦྲུལ་གྱི་གནོད་པས་ཉེན་པར་གྱུར་ཏོ། །གངྒཱའི་ཀླུང་ཆེན་པོ་རྒལ་བར་འདོད་པ་ལས་དེ་རྒལ་བར་མ་ནུས་སོ། །
iiif viewer powered by OpenSeadragon
