| e-texts navigator |
| Wylie |
33b1 ལྷའི་ཡང་ལྷ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་དེ་ལྟར་འདུ་བྱེད་དང་འདྲ་བར་མ་ལྟ་ཞིག་།འཇམ་དཔལ། གཞན་ཡང་ཅི་ཁྱོད་ཤེས་བཞིན་དུ། དེ་བཞིན
33b2 གཤེགས་པ་ལ་འདུ་བྱེད་ཀྱི་རང་བཞིན་དུ་རྟོག་པར་བྱེད་དམ། འོན་ཏེ་མ་ཤེས་པས་རྟོག་པར་བྱེད། གལ་ཏེ་དེ་བཞིན་དུ་དེ་བཞིན་གཤེགས་པ་འདུ་བྱེད་དང་འདྲུ་ན་ནི། འཇིག་རྟེན་གསུམ་པོ་དག་ན་ཆོས་ཀྱི
33b3 དབང་ཕྱུག་རྙེད་པ་ལྷའི་ལྷ་མཛད་པའི་འོས་མ་ཡིན་ནོ། །དཔེར་ན། རྒྱལ་པོའི་དབང་པོ་ལ་ལ་ཞིག་ལ་གྱད་སྟོང་གི་མཆོག་ཏུ་གྱུར་བའི་གྱད་ཅིག་ཡོད་ལ། དེ་གྱད་ཐམས་ཅད་ཀྱིས་མི་ཐུབ་པའི་ཕྱིར་གྱད
33b4 སྟོང་ཐུབ་ཅེས་བྱ་བའི་མིང་ཐོབ་སྟེ། དེ་ལ་གྱད་ཟླ་མེད་པའི་ཕྱིར་བླ་ནས་དབང་ཐང་ཆེན་པོ་འགྲུབ་ན། ཅི་གྱད་སྟོང་ཐུབ་པ་དེའི་མིང་དེ་ཐོས་ན་སྐད་གྲགས་པ་དེ་མི་བདེན་པ་ཡིན་ནམ། འོན་ཏེ་ཡོན་ཏན་ཡོད
33b5 ན་ནི། ཡོན་ཏན་ཅན་གྱི་མིང་ཐོབ་པ་ཡིན་ནོ། །དེ་བཞིན་དུ་དེ་བཞིན་གཤེགས་པའང་ཉོན་མོངས་པའི་བདུད་དང་། ཕུང་པོའི་བདུད་དང་། ལྷའི་བུའི་བདུད་དང་། རང་བཞིན་གྱི་བདུད་ཀྱི་གྱད་ཐམས་ཅད་བཅོམ
33b6 པས་ན|་གྱད་སྟོང་ཐུབ་བཞིན་དུ་ཡང་དག་པའི་ཡོན་ཏན་གྱི་སྒོ་ནས་འཇིག་རྟེན་གསུམ་པོ་དག་ཏུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཞེས་བྱ་བ་ཡིན་གྱི། བཙུན
33b7 པ་འཇམ་དཔལ། ཁྱོད་དེ་བཞིན་གཤེགས་པ་ལ་འདུ་བྱེད་དང་འདྲ་བར་ཡོངས་སུ་མ་རྟོག་ཅིག། དཔེར་ན། ལ་ལ་ཞིག་ཕྱུག་ཅིང་ནོར་མང་བའི་རིགས་སུ་སྐྱེ་བ་བླངས་ལ་ཚེ་ཐུང་བར་འགྱུར་བ་ཞིག་སྟེ།
iiif viewer powered by OpenSeadragon
