| e-texts navigator |
| Wylie |
32b1 ཁྱེད་མ་ངུ་། །དེ་ནས་བཅོམ་ལྡན་འདས་ལ་མགར་བའི་བུ་སྐུལ་བྱེད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། དེ་ནི། དེ་ལགས་སོ། །དེ་ནི། དེ་ལགས་ཏེ། མྱ་ངན་ལས་འདས་པ་ནི། བདག
32b2 གིས་ཀྱང་བསམ་གྱིས་མི་ཁྱབ་ལགས་ན། སྦྲང་བུ་དང་འདྲ་བའི་སེམས་ཅན་ཐེག་པ་དམན་པ་གཞན་དག་གིས་ལྟ་སྨོས་ཀྱང་ཅི་འཚལ། བཅོམ་ལྡན་འདས། ཀྱེ་མ་བདག་དེང་དུ་བྱང་ཆུབ
32b3 སེམས་དཔའ་མི་མཆོག་སྐལ་བ་ཆེན་པོ་དང་ལྡན་པ། མཆོད་པར་འོས་པ་འཇམ་དཔལ་གཞོན་ནུར་གྱུར་པ་ལ་སོགས་པ་དང་། ཟག་པ་ཟད་པ་རྣམས་དང་མཉམ་པ་ཉིད་དུ་གྱུར་ཏོ། །བཅོམ་ལྡན
32b4 འདས|་དཔེར་གསོལ་ན། གསར་དུ་བསྙེན་པར་རྫོགས་པ་གཞོན་ནུའང་རབ་ཏུ་བྱུང་བ་དེ་ཉིད་ཀྱི་ཉིན་པར་ནས་དགེ་འདུན་གྱི་ནང་ན་དགེ་འདུན་གྱི་ནང་ན་དགེ་འདུན་དུ་བགྲང་ཞིང་ཡང་དག་པར་འདུས་པར་འགྱུར་བ
32b5 དེ་བཞིན་དུ་བདག་ཀྱང་དེ་བཞིན་གཤེགས་པའི་མཐུས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་གྲངས་སུ་གཏོགས་ཤིང་ཡང་དག་པར་འདུས་ལགས་སོ། །བཅོམ་ལྡན་འདས།
32b6 བདག་ནི། དེ་བཞིན་གཤེགས་པ་ཡུན་དུ་བཞུགས་པར་འཚལ་གྱི། ཁ་ཟས་ཚིག་པ་བཞིན་དུ་མྱ་ངན་ལས་འདའ་བར་གཤེགས་པར་ནི། མི་འཚལ་ལགས་སོ། །དེ་ནས་དེའི་ཚེ་འཇམ་དཔལ
32b7 གཞོན་ནུར་གྱུར་པས་མགར་བའི་བུ་སྐུལ་བྱེད་ལ་འདི་སྐད་ཅེས་སྨྲས་སོ། །སྐུལ་བྱེད། ཁྱོད་འདི་སྐད་དུ་བདག་ནི། དེ་བཞིན་གཤེགས་པ་ཡུན་དུ་བཞུགས་པར་འཚལ་གྱི། །ཁ་ཟས་ཚིག་པ་བཞིན
iiif viewer powered by OpenSeadragon
