| e-texts navigator |
| Wylie |
32a1 རྟེན་གསུམ་ན་བརྟན་པོ་ཅི་ཡང་མེད། །སྲིད་པ་དག་ན་འགྲོ་ཀུན་སྲོག་ཏུ་འདུག་།སྲིད་པ་འཇིག་པའི་ཆོས་ཅན་རབ་གཡོ་བ། །འདི་དག་ན་ནི་བདེ་བ་ཅི་ཡང་མེད། །རྒ་དང
32a2 འཆི་དང་ནད་དང་རྒུད་རྣམས་ཀྱི། །འཇིགས་པས་རྟག་ཏུ་ཀུན་ནས་གཙེ་བར་བྱེད། །སྲིད་པ་མཐའ་མེད་མི་བརྟན་སྙིང་པོ་མེད། །ཐམས་ཅད་དགྲ་དང་འཁུ་བར་ཤེས་པར་གྱིས། །དེ་ན་འཁོར་ཞིང
32a3 ཉོན་མོངས་དྲ་བ་ཡིས། །འཇིག་རྟེན་དཀྲིས་ཏེ་དར་གྱི་སྲིན་བུ་བཞིན། །འཇིག་རྟེན་དག་ན་ཐེར་ཟུག་གནོད་པའི་གཞི། །རྟག་ཏུ་འབྲས་ལྟར་སྡུག་བསྔལ་འབྲེལ་བ་གང་། །མི་གཙང་ལུས་དང་འདོད་པ
32a4 དེ་དག་ལ། །ཕན་འདོད་སྡུག་བསྔལ་བསལ་འདོད་སུ་ཞིག་དགའ། །མི་རྟག་འདོད་པ་རྣམས་ལ་ཆགས་པ་མེད། །ཚུལ་བཞིན་རྟོག་པས་འདོད་ཆགས་འབྲལ་བར་འགྱུར། །དེ་ནས་ཡང་དག་མཐོང
32a5 ན་འདོད་ཆགས་འབྲལ། །དེ་དག་སྤངས་བཅད་གྲོལ་པ་ཉིད་དུ་འགྱུར། །ད་ནི་སྲིད་པའི་ཆུ་ཆེན་ལེགས་པར་རྒལ། །ང་ནི་སྡུག་བསྔལ་རྣམས་འདས་བདེ་བར་ཞུགས། །དེ་ཕྱིར་ངས་ནི་མཐའ
32a6 ཡས་སྤྲོས་མེད་པ། །ཆགས་པ་ཀུན་བསལ་ཐར་པ་ཐོབ་པར་འགྱུར། །ང་ལ་རྒ་དང་ན་དང་འཆི་བ་མེད། །ང་ལ་རྟག་ཏུ་ཚེ་ཡང་ཟད་པ་མེད། །ང་ནི་མེ་ལྟར་འབར་ཏེ་འགྲོ་འགྱུར་གྱིས། །ཁྱོད་ཀྱིས་ང་ནི་མེད
32a7 འགྱུར་མ་སེམས་ཤིག་། དེ་བཞིན་གཤེགས་ཉིད་ལྷུན་པོ་འདྲ་བར་ལྟོས། །ང་དེང་ཡང་དག་མྱ་ངན་འདའ་བར་འགྱུར། །བདེ་མཆོག་དེ་ནི་ང་ཡི་ཆོས་ཉིད་དེ། །རྒྱལ་རྣམས་སྤྱོད་ཡུལ་ཡིན་གྱི
iiif viewer powered by OpenSeadragon
