| e-texts navigator |
| Wylie |
31b1 བྱེད|་དེ་ནི། དེ་བཞིན་ནོ། །དེ་ནི། དེ་བཞིན་ཏེ། སངས་རྒྱས་འབྱུང་བ་ནི། ཨུ་དུ་མ་ཝ་རའི་མེ་ཏོག་བཞིན་ཤིན་ཏུ་རྙེད་པར་དཀའོ། །དད་པའང་རྙེད་པར་དཀའོ། །ཆོས་ཐོས་པའང་རྙེད་པར་དཀའོ། །དེ
31b2 བཞིན་གཤེགས་པ་ཡོངས་སུ་མྱ་ངན་ལས་འདའ་བའི་ཚེ་ཞལ་ཟས་ཀྱི་ཐ་མའི་སྦྱིན་པའི་ཕ་རོལ་ཏུ་ཕྱིན་པ་ཕུན་སུམ་ཚོགས་པའང་རྙེད་པར་དཀའོ། །སྐུལ་བྱེད། གཞན་ཡང་ཁྱོད་མ་ངུ་། མྱ་ངན
31b3 མ་བྱེད་པར་བདག་གིས་དེ་བཞིན་གཤེགས་པ་ལ་ཞལ་ཟས་ཀྱི་ཐ་མའི་སྦྱིན་པའི་ཕ་རོལ་ཏུ་ཕྱིན་པ་ཕུན་སུམ་ཚོགས་པ་ཐོབ་བོ། །སྙམ་དུ་དགའ་བ་སྐྱེད་ཅིག་དང་། དེ་བཞིན་གཤེགས་པ་ལ་བཅོམ་ལྡན
31b4 འདས་བཞུགས་སུ་གསོལ་ཞེས་དེ་སྐད་དུ་ཁྱོད་གསོལ་བ་མ་འདེབས་ཤིག་། སངས་རྒྱས་རྣམས་ཀྱི་ཆོས་ཀྱི་དེ་ཁོ་ན་ཉིད་ལ་རྟོགས་ཤིག་།མི་རྟག་པ་ཉིད་ལ་འཇུག་པར་གྱིས་ཤིག་།འདུ་བྱེད
31b5 རྣམས་ཀྱི་རང་བཞིན་ཤེས་པར་གྱིས་ཤིག་། ཅེས་བཀའ་སྩལ་ནས་ཚིགས་སུ་བཅད་པ་འདི་དག་གསུངས་སོ། །ཚེ་ནི་ཤིན་ཏུ་རིང་ཡང་འཇིག་པར་འགྱུར། །འདིར་ནི་ཐམས་ཅད་ངེས་པར་འཆི་བར
31b6 འགྱུར|་|འཚོ་བའི་འཇིག་རྟེན་འཇིག་པའི་ཆོས་ཅན་ཡིན། །འབྱོར་པ་ཐམས་ཅད་རྒུད་པར་གཞོལ་བར་འགྱུར། །རྟག་ཏུ་ལང་ཚོ་རྒ་བས་ངེས་པར་འཇོམས། །གཟུགས་བཟང་ནད་མེད་ནད་ཀྱིས
31b7 འཇིག་པར་འགྱུར། །སྲོག་ནི་འཆི་བས་རྩ་ནས་འབྱིན་པར་བྱེད། །འཇིག་རྟེན་ཀུན་ན་རྟག་པ་ཅི་ཡང་མེད། །དབང་ཕྱུག་མི་རྟག་ཚེ་ཡང་མི་རྟག་སྟེ། །སྐྱེ་བོ་སྡུག་བསྔལ་འཁོར་ལོ་རྟག་ཏུ་འཁོར། །འཇིག
iiif viewer powered by OpenSeadragon
