| e-texts navigator |
| Wylie |
29b1 འདུན་དང་བཅས་པར་སྤྱན་འདྲེན་ན། བདག་གི་དབུལ་བ་བསལ་བ་དང་། སེམས་ཅན་ཐམས་ཅད་ལ་སྨན་པའི་སླད་དུ་བདག་གིས་ཕུལ་བའི་ཞལ་ཟས་བཞེས་སུ་གསོལ། བདག་ནི། མགོན་མ
29b2 མཆིས་པ། སྐྱབས་མ་མཆིས་པ་ལགས་ན། དེ་བཞིན་གཤེགས་པས་བདག་ལ་སྒྲ་གཅན་ཟིན་བཞིན་དུ་གཟིགས་པར་གསོལ། དེ་ནས་བཅོམ་ལྡན་འདས་ཐམས་ཅད་མཁྱེན་པ་རྒྱལ་བ་གང་ཟག
29b3 བླ་ན་མེད་པས་མགར་བའི་བུ་སྐུལ་བྱེད་ལ་འདི་སྐད་ཅེས་བཀའ་སྩལ་ཏོ། །སྐུལ་བྱེད། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཁྱོད་ཀྱི་ཞལ་ཟས་ཐ་མ་སྦྱིན་པའི
29b4 ཕ་རོལ་ཏུ་ཕྱིན་པ་ཆེན་པོ་བཞེས་པར་མཛད་དོ། །དེ་ནས་ལྷ་དང་། མི་དང་། ལྷ་མ་ཡིན་དེ་དག་གིས་སྐུལ་བྱེད་ཀྱིས་ཕུལ་བའི་ཞལ་ཟས་ཀྱི་ཐ་མ་སྦྱིན་པའི་ཕ་རོལ་ཏུ་ཕྱིན་པ་ཆེན་པོ་དེ་བཞིན་གཤེགས
29b5 པ་དགེ་སློང་གི་དགེ་འདུན་དང་བཅས་པས་བཞེས་སོ། །ཞེས་ཐོས་ནས་ངོ་མཚར་རྨད་དུ་བྱུང་བའི་ཆོས་ཐོབ་སྟེ། ལེགས་སོ། །ལེགས་སོ། །ཞེས་སྐད་ཆེན་པོ་ཕྱུང་ནས་མགར་བའི་བུ་སྐུལ་བྱེད་ལ
29b6 འདི་སྐད་ཅེས་སྨྲས་སོ། །ཀྱེ་མགར་བའི་བུ་སྐུལ་བྱེད། ཁྱོད་སྐྱིད་དེ་བ་ཁྱོད་ཀྱིས་མི་ལུས་ཐོབ་པ་ནི། ཕན་ཐོགས་པར་གྱུར་ཏོ། །ལེགས་པར་ཐོབ་བོ། །སྐུལ་བྱེད། འཇིག་རྟེན་ན་ཨུ་དུམ་བ་རའི་མེ
29b7 ཏོག་བཞིན་དུ་མཛེས་པ་ནི། རྙེད་པར་དཀའོ། །དེ་བས་ཀྱང་ཆེས་དེ་བཞིན་གཤེགས་པ་འབྱུང་བ་རྙེད་པར་དཀའོ། །དེ་བས་ཀྱང་དད་པ་རྙེད་པ་ཤིན་ཏུ་དཀའོ། །དེ་བས་ཀྱང་ཆེས་ཆོས་ཐོས་པ
iiif viewer powered by OpenSeadragon
