| e-texts navigator |
| Wylie |
24b1 ཤིག་ཤིག་།རབ་ཏུ་ཤིག་ཤིག་།མེར་མེར། རབ་ཏུ་མེར་མེར། ལྡེམ་ལྡེམ། རབ་ཏུ་ལྡེམ་ལྡེམ། དེ་ལ་སོགས་པ་བྱས་ཏེ་ས་ཆེན་པོ་རབ་ཏུ་གཡོས་སོ། །དེ་ནས་འཁོར་དེ་དག་གི་ནང་ན་ཚངས་པ
24b2 དང་|་དབང་པོ་དང་། འཇིག་རྟེན་སྐྱོང་དང་། ལྷ་མ་ཡིན་དང་། དབང་ཕྱུག་ཆེན་པོ་ལ་སོགས་པ་ལྷ་རྣམས་ཀྱིས་ས་གཞི་དེ་ལྟ་བུར་གྱུར་པ་མཐོང་ནས་སྐྱི་བུང་ཞེས་བྱས་ཏེ་འཇིགས་ཤིང་། ཁ་དང
24b3 ལྐོག་མ་བསྐམས་ནས་འབྲོས་པར་ཆས་ཏེ་རང་རང་གི་འོད་ཀྱང་མི་མཐོང་ཞིང་འོད་ཉམས་པར་གྱུར་ཏོ། །དེ་ནས་འཁོར་དེ་ཉིད་ཀྱི་ནང་ནས་འཇམ་དཔལ་གཞོན་ནུར་གྱུར་པ་ལངས་ཏེ་ལྷའི་ཚོགས
24b4 དེ་དག་ལ་འདི་སྐད་ཅེས་སྨྲས་སོ། །གྲོགས་པོ་དག་།མ་འཇིགས་ཤིག་།མ་འཇིགས་ཤིག་།ཤར་ཕྱོགས་ལོགས་སུ་འཇིག་རྟེན་གྱི་ཁམས་གངྒཱའི་ཀླུང་གྲངས་མེད་པ་གཏམས་ཕྲག་དཀྲིགས
24b5 ཀྱི་བྱེ་མའི་རྡུལ་ཕྲ་རབ་གྲངས་མེད་པ་སྙེད་འདས་པ་ན་འཇིག་རྟེན་གྱི་ཁམས་ཡིད་འབྲོག་སྒྲ་སྙན་མུ་ཏུག་ཅེས་བྱ་བ་ཞིག་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས
24b6 པའི་སངས་རྒྱས་ནམ་མཁའ་དང་མཉམ་པ་ཞེས་བྱ་བ་ད་ལྟར་བཞུགས་ལ་འཚོ་ཞིང་གཞེས་ཏེ། དེ་བཞིན་གཤེགས་པ་དེས་རང་གི་སྲས་ཀྱི་ཐུ་བོ་ཉན་ཐོས་ལ་བོས་ཏེ་བཀའ་སྩལ་པ། རིགས་ཀྱི
24b7 བུ། ཁྱོད་མི་མཇེད་ཀྱི་འཇིག་རྟེན་གྱི་ཁམས་སུ་སོང་ལ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་ཡོངས་སུ་མྱ་ངན་ལས
iiif viewer powered by OpenSeadragon
