| e-texts navigator |
| Wylie |
23b1 ད་ཨག་ཁྱེར་ནས་དེར་སོང་སྟེ་དེའི་མཆོད་པ་རྣམས་ཀྱི་ནང་ན་གདུགས་ཕལ་པ་གང་ཡིན་པ་དེའང་ཆུ་ཞེང་དུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཁྱབ་པར་འདུག་སྟེ་མཆོད་པ་དེ་ལྟ་བུ་སྔོན་དུ
23b2 བ་ཏང་ནས་བཅོམ་ལྡན་འདས་ཀྱི་ཐད་དུ་ཕྱིན་ཏེ་ལན་དུ་མ་བསྐོར་བ་བྱས་ནས་ཞབས་ལ་མགོ་བོས་ཕྱག་བཙལ་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན
23b3 འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ལ་བདག་མཆོད་པ་བགྱིད་པ་ནི། སྦྲང་བུ་མཆོད་པ་བགྱིད་པ་དང་འདྲ་སྟེ། བདག་སྦྲང་བུ་དང་འདྲ་བས་བཅོམ་ལྡན་འདས་ལ་མཆོད་པ་བགྱིད
23b4 པ་ཨའི་རྔོ་ག་ལ་ཐོགས་ཀྱིས་ཀྱང་བཅོམ་ལྡན་འདས་བདག་ལ་ཐུགས་བརྩེ་བའི་སླད་དུ་ཞལ་ཟས་ཀྱི་ཐ་མ་གསོལ་བར་ཅི་གནང་ཞེས་ལན་གཉིས་ལན་གསུམ་དུ་གསོལ་བ་བཏབ་ཀྱང་ལན་གཉིས
23b5 ལན་གསུམ་དུ་བཅོམ་ལྡན་འདས་ཅང་མི་གསུང་བར་གྱུར་ཏེ། རེ་ཐག་ཆད་ནས་ལངས་ཏེ་ཕྱོགས་གཅིག་ཏུ་འདུག་གོ། །དེ་ནས་དེའི་ཚེ་སངས་རྒྱས་ཀྱི་ཞིང་འདི་ནས་ཤར་ཕྱོགས་ལོགས་སུ་འཇིག་རྟེན
23b6 གྱི་ཁམས་གངྒཱའི་ཀླུང་གྲངས་མེད་པ་གཏམས་ཁྲག་ཁྲིག་གི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་ཡིད་འཕྲོག་སྒྲ་སྙན་མུ་ཏུག་ཅེས་བྱ་བ་ཞིག་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ
23b7 པ་ཡང་དག་པར་རྫོགས་པའི་སངས་རྒྱས་ནམ་མཁའ་དང་མཉམ་པ་ཞེས་བྱ་བ་བཞུགས་ཏེ། དེས་སྲས་ཀྱི་ཐུ་བོ་ཉན་ཐོས་ལུས་ཆེན་མཐའ་ཡས་ལ་བཀའ་སྩལ་པ། རིགས་ཀྱི་བུ། ཁྱོད་མི་མཇེད
iiif viewer powered by OpenSeadragon
