| e-texts navigator |
| Wylie |
22b1 ཟ་ཧེང་རང་གི་ཆུང་མ་རྣམས་ཀྱིས་རྔ་ཡབ་ཀྱིས་གཡོབ་བཞིན་དུ་བཅོམ་ལྡན་འདས་ག་ལ་བ་དེར་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཐལ་མོ་སྦྱར་ནས་འདི་སྐད་ཅེས
22b2 གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་དང་། འཁོར་དང་བཅས་པས་བདག་ཅག་གིས་ཕུལ་བའི་ཞལ་ཟས་བཞེས་སུ་གསོལ། །བཅོམ་ལྡན་འདས། བདག་ཅག་གིས
22b3 དེ་སླན་ཆད་ཐེག་པ་ཆེན་པོའི་སླད་དུ་ཡི་དམ་བཅའ་བར་འཚལ་ཏེ། རིགས་ཀྱི་བུའམ་རིགས་ཀྱི་བུ་མོ་གང་སུའང་རུང་འཇིགས་པའི་སླད་དུའམ། རྙེད་པ་དང་བཀུར་སྟི་འཚལ་བའི་སླད་དུའམ། ཐོབ
22b4 ཏུ་རེ་བའི་སླད་དུའམ། གཞན་གྱིས་བགྱིད་དུ་སྩལ་པའམ། གཞན་གྱི་ཡིད་བསྲུང་བའི་སླད་དུའང་རུང་སྟེ། ཐེག་པ་ཆེན་པོ་རྗོད་པར་བགྱིད་ན། དེའི་དོན་དུ་འཇིགས་པ་དང་། མི་དགའ་བ
22b5 ཐམས་ཅད་བསལ་བའི་གསང་སྔགས་བཤད་པར་འཚལ་ལོ། །ཏདྱ་ཐཱ། ཐཀྐེ། ཊ་ཊ་ར་ཐཀྐེ། རོ་རུ་རེ། མ་དྷ་རོ་རུ་རེ། ཨཱ་ལ་མཱ་ལ་ཏཱ་ལ་སྭཱ་ཧཱ། ཆོས་སྨྲ་བ་འཁྲུལ་པ་དང་། འཇིགས་པས
22b6 གནོད་པར་གྱུར་པ་རྣམས་ཆོས་ཀྱི་ཚུལ་ལ་སྤོབས་པ་བསྐྱེད་པར་བགྱི་བ་དང་། མུ་སྟེགས་པ་རྣམས་མྱོས་པར་བགྱི་བ་དང་། དམ་པའི་ཆོས་བསྲུང་བ་དང་། བདག་དང་གཞན་བསྲུང་བའི་སླད་དུ
22b7 བདག་གིས་རང་གི་དམ་ཚིག་གིས་སྨྲས་པའི་གསང་སྔགས་འདི་གླང་པོ་ཆེའི་འཇིགས་པའམ། ནགས་ཁུང་གི་འཇིགས་པའམ། ཆུ་ཀླུང་གི་འཇིགས་པའམ། མེའི་འཇིགས་པ་རྣམས་ཀྱི་ནང་དུ་སྲུང
iiif viewer powered by OpenSeadragon
