| e-texts navigator |
| Wylie |
22a1 ནས་ལངས་ཏེ་ཕྱོགས་གཅིག་ཏུ་འདུག་གོ་། དེ་ནས་བདུད་སྡིག་ཅན་ཆུང་མ་གྲངས་མེད་པའི་འཁོར་དང་ཆས་ཏེ་སེམས་ཅན་དམྱལ་བ་ཐམས་ཅད་ཀྱི་བར་སྲང་ཐམས
22a2 ཅད་ཕྱེ་ནས་དེ་དག་ལ་ཆུ་དང་ཁ་ཟས་ལ་སོགས་པ་ཅི་འདོད་པ་བྱིན་ཏེ། དེ་དག་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དྲན་པར་གྱིས་ཤིག་།སྦྱིན་པའི་ཐ
22a3 མ་ལ་རྗེས་སུ་ཡི་རང་བར་གྱིས་ཤིག་། ཅེས་སྨྲས་ནས་དེ་དག་ལ་ཁྱེད་བདེ་བར་གྱུར་ཅིག་ཅེས་ཀྱང་དབུགས་ཕྱུང་ངོ་། །སེམས་ཅན་དམྱལ་བའི་གྲོང་ཁྱེར་མཚོན་ཆས་གང་ཞིང་མེ་ཆེན་པོ་འབར
22a4 བ་ཨ་རྣམས་སུའང་སྤྲིན་ཆེན་པོ་བཞིན་དུ་ཆུ་ཆེན་པོ་ཕབ་ནས་སེམས་ཅན་དམྱལ་བ་པ་རྣམས་ཀྱིས་སྔོན་མ་མྱོང་བའི་བདེ་བ་དང་ལྡན་པའི་འདུ་ཤེས་བསྐྱེད་དེ་དེ་བཞིན་གཤེགས་པའི་མཐུས
22a5 བདུད་ཀྱི་སེམས་ཀྱི་གནས་སྐབས་དེ་ལྟ་བུར་གྱུར་ཏོ། །དེའི་འཁོར་གང་ཡིན་པ་དེ་དག་གིས་ཀྱང་གཞུ་དང་། རལ་གྲི་དང་། ཐོ་བ་དང་། དགྲ་སྟ་དང་། རྡོ་རྗེ་རྩེ་གཅིག་པ་དང་། མཚོན་ཀམྦ་ན་དང་།
22a6 ལྕགས་ཀྱི་བེར་ཀ་དང་། ལྕགས་མདའ་དང་། ཤ་ཏ་ཀ་ནི་ཧ་དང་། མདའ་དང་། འཕང་མདུང་དང་། མདུང་རྩེ་གཅིག་པ་ལ་སོགས་པ་མཚོན་ཆ་རྣམ་པ་དུ་མ་ཡོངས་སུ་སྤངས་ཏེ་ཆོས་ལྷུར་ལེན་པར
22a7 གྱུར་ཏོ། །དེའི་མཆོད་པའང་ལྷ་སྔ་མ་རྣམས་ལ་མེད་པ་དེ་ལྟ་བུར་གྱུར་ཏེ། དེའི་གདུགས་ཕལ་པའི་ཆུ་ཞེང་དུའང་འཇིག་རྟེན་གྱི་ཁམས་བར་མའི་ཁྱོན་ཙམ་མོ། །དེ་ལྟར་དེ་མཐུ་ཆེན་པོ་དང་ལྡན
iiif viewer powered by OpenSeadragon
