| e-texts navigator |
| Wylie |
225a1 དང་། འཐབ་པར་བྱེད་པ་དང་། མཚང་འདྲུ་ཞིང་རྩོད་པར་སྨྲ་བ་ལ་བརྩོན་པར་བྱེད་པར་འགྱུར་རོ། །ལྷུང་བཟེད་བཟང་པོ་དང་། ཆོས་གོས་བཟང་པོར
225a2 འགྱུར་ཞིང་ལོ་བརྒྱར་བསྲུང་བར་བྱ་བའི་ཕྱིར་ཚུལ་ཁྲིམས་ཀྱང་མྱུར་དུ་འདོར་བར་འགྱུར་རོ། །འདི་ལྟ་སྟེ། སྡིག་པ་ལ་ངེས་པར་སེམས་ཤིང་འདྲེས་པས་སྡིག་པ་དང་། ཡིད་མི་བདེ་བ
225a3 ལ་སོགས་པས་དེ་བཞིན་དུ་ལོ་བརྒྱར་བསགས་པའི་དགེ་བའི་རྩ་བ་རྣམས་ཀྱང་མྱུར་དུ་འཇིག་པར་བྱེད་པར་འགྱུར་རོ། །ཀུན་དགའ་བོ། །ང་ཡོངས་སུ་མྱ་ངན་ལས་འདས་ནས་ལོ
225a4 སྟོང་ཆིག་བརྒྱ་ན་དགེ་སློང་ཚུལ་ཁྲིམས་འཆལ་པ་རྣམས་འབྱུང་བར་འགྱུར་བ་ནི། འཁོར་དང་། གཡོག་མང་བར་འགྱུར་རོ། །ཚུལ་ཁྲིམས་དང་ལྡན་པ་རྣམས་ནི། འཁོར
225a5 ཉུང་ཞིང་གཡོག་ཉུང་བར་འགྱུར་རོ། །དེ་ནས་ཚེ་དང་ལྡན་པ་ཀུན་དགའ་བོ། །སྡུག་བསྔལ་བ་དང་། ཡིད་མི་བདེ་བར་གྱུར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
225a6 བཅོམ་ལྡན་འདས། ཆོས་འདུལ་བ་འདི་ལ་སྙིང་པོར་གྱུར་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། །དྲན་པ་ཉེ་བར་གཞག་པ་བཞི་དང་།
225a7 ཡང་དག་པར་སྤོང་བ་བཞི་དང་། རྫུ་འཕྲུལ་གྱི་རྐང་པ་བཞི་དང་། དབང་པོ་ལྔ་དང་། སྟོབས་ལྔ་དང་། བྱང་ཆུབ་ཀྱི་ཡན་ལག་བདུན་དང་། འཕགས་པའི་ལམ་ཡན་ལག་བརྒྱད་པ
iiif viewer powered by OpenSeadragon
