| e-texts navigator |
| Wylie |
223b1 རྣམ་པར་གྲོལ་བར་འགྱུར་རོ། །ཀུན་དགའ་བོ། ང་ཡོངས་སུ་མྱ་ངན་ལས་འདས་ནས་ལོ་བརྒྱ་ཕྲག་བཞི་པ་ལ་ནི། བསྟན་པ་ལ་རྣམ་པར་དབེན་པ་སྙིང་པོར་བྱེད་པར་འགྱུར་རོ། །ངའི
223b2 ཉན་ཐོས་རྣམས་ཀྱང་ནང་དུ་ཡང་དག་འཇོག་ལ་དགའ་བར་འགྱུར་རོ། །ཀུན་དགའ་བོ། ང་ཡོངས་སུ་མྱ་ངན་ལས་འདས་ནས་ལོ་བརྒྱ་ཕྲག་ལྔ་པ་ལ་ནི། བསྟན་པ་ལ་ཆོས་ལ་བླ་མར
223b3 བྱེད་པར་འགྱུར་རོ། །ངའི་ཉན་ཐོས་རྣམས་ཀྱང་ཆོས་ཀྱི་ཀུན་དགའ་ར་བ་ལ་མངོན་པར་དགའ་བར་འགྱུར་རོ། །ཀུན་དགའ་བོ། ང་ཡོངས་སུ་མྱ་ངན་ལས་འདས་ནས་ལོ་བརྒྱ་ཕྲག
223b4 དྲུག་པ་ལ་ནི། བསྟན་པ་ལ་ཀློག་པ་དང་། འདོན་པ་ལ་མངོན་པར་དགའ་བར་འགྱུར་རོ། །ངའི་ཉན་ཐོས་རྣམས་ཀྱང་བརྩོན་འགྲུས་རྩོམ་པར་འགྱུར་རོ། །ཀུན་དགའ་བོ། ང
223b5 ཡོངས་སུ་མྱ་ངན་ལས་འདས་ནས་ལོ་བརྒྱ་ཕྲག་བདུན་པ་ལ་ནི། བསྟན་པ་ལ་མཆོད་པ་སྙིང་པོར་བྱེད་པར་འགྱུར་རོ། །ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན
223b6 དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་རྣམས་བསྟན་པ་ལ་བསྙེན་བཀུར་བྱེད་ཅིང་བླ་མར་བྱེད་པར་འགྱུར་བ་དང་། རྗེད་པར་འགྱུར
223b7 བ་དང་། མཆོད་པར་འགྱུར་རོ། །ངའི་ཉན་ཐོས་རྣམས་ཀྱང་རྙེད་པ་དང་། བཀུར་སྟི་དང་། ཚིགས་སུ་བཅད་པ་ལྷུར་ལེན་པར་འགྱུར་རོ། །ཀུན་དགའ་བོ། ང་ཡོངས་སུ་མྱ་ངན་ལས
iiif viewer powered by OpenSeadragon
