| e-texts navigator |
| Wylie |
223a1 ཐབས་ཅིག་ཏུ་བཞུགས་ཏེ། དེ་ཕྱི་མའི་དུས་དང་ཉེ་བར་གྱུར་པ་ན་དེའི་ཚེ་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ
223a2 བོ|་ང་ཡོངས་སུ་མྱ་ངན་ལས་འདས་ནས་ལོ་བརྒྱ་ཕྲག་དང་པོ་ལ་ནི། བསྟན་པ་ལ་ཆོས་ལ་བླ་མར་བྱེད་པར་འགྱུར་རོ། །ངའི་ཉན་ཐོས་རྣམས་ཀྱང་ཆོས་ཀྱི་ཀུན་དགའ་ར་བ་ལ་དགའ
223a3 བ་དང་ལྡན་པར་འགྱུར་ཞིང་། ཤེས་པ་ལ་མཁས་པ་དང་། ཤེས་རབ་དམ་པ་དང་ལྡན་པའི་རང་བཞིན་ཅན་དུ་འགྱུར་རོ། །ཀུན་དགའ་བོ། ཡང་དེའི་ཚེ་ན་རྒྱལ་པོ་མྱ་ངན་མེད
223a4 ཅེས་བྱ་བ་ཛམྦུའི་གླིང་གི་དབང་ཕྱུག་ལ་དབང་བྱེད་པར་འགྱུར་ཏེ། དེ་ང་ཡོངས་སུ་མྱ་ངན་ལས་འདས་པའི་སྐུ་གདུང་གི་རིང་བསྲེལ་གྱི་མཆོད་རྟེན་རྒྱ་ཆེར་བྱེད་པར་འགྱུར་རོ། །ཀུན
223a5 དགའ་བོ། ང་ཡོངས་སུ་མྱ་ངན་ལས་འདས་ནས་ལོ་བརྒྱ་ཕྲག་གཉིས་པ་ལ་ནི། བསྟན་པ་ལ་རྣམ་པར་གྲོལ་བའི་སྙིང་པོ་ཅན་དུ་འགྱུར་རོ། །ཉན་ཐོས་རྣམས་ཀྱང་ང་ལ་སྟོན་པར
223a6 རྟོག་ཅིང་སྟོན་པར་མཁས་པར་བྱེད་པར་འགྱུར་རོ། །ཀུན་དགའ་བོ། ང་ཡོངས་སུ་མྱ་ངན་ལས་འདས་ནས་ལོ་བརྒྱ་ཕྲག་གསུམ་པ་ལ་ནི། བསྟན་པ་ལ་སྒྲུབ་པ་སྙིང་པོར་བྱེད
223a7 པར་འགྱུར་རོ། །ངའི་ཉན་ཐོས་རྣམས་ཀྱང་གཉིས་ཀའི་ཆ་ལས་རྣམ་པར་གྲོལ་པར་འགྱུར་བའི་ལུས་ཀྱིས་མངོན་སུམ་དུ་བྱེད་ཅིང་མཐོང་བར་ཐོབ་པ་དང་། ཤེས་རབ་ཀྱིས
iiif viewer powered by OpenSeadragon
