| e-texts navigator |
| Wylie |
221a1 ལུས་ཉོན་མོངས་པ་དེ་དག་དང་གལ་ཏེ་ལ་ལ་ཞིག་འགྲོགས་པར་གྱུར་ན། ཅི་བདེ་བ་ལ་བརྟེན་པར་འགྱུར་རམ། དེ་ལྟ་ན་ནི། དོན་དང་འགལ་བར་འགྱུར་རོ།།
221a2 དེ་བས་ན། སངས་རྒྱས་ནི། རྒྱུ་མེད་པར་དོན་དང་འགལ་བ་སྟོན་པར་མི་མཛད་དེ། གདུལ་བར་བྱ་བའི་དབང་གིས་རྒྱུ་དང་བཅས། རྐྱེན་དང་བཅས་པར་སྟོན་པར་ཤེས་པར་གྱིས
221a3 ཤིག་། འཇིག་རྟེན་ལས་འདས་པའི་ཆོས་ནི། མཆོག་ཏུ་བདེ་བ་ཡིན་ནོ། །ཚིགས་སུ་བཅད་པ་འདི་ནི། གྲོང་ཁྱེར་གྱེན་དུ་རྒྱལ་ཞེས་བྱ་བའི་བྲམ་ཟེ་ལུག་དཔལ་ཞེས་བྱ་བ་ལས
221a4 བརྩམས་ནས་བསྟན་པ་ཡིན་ཏེ། བྲམ་ཟེ་ལུག་དཔལ་ཞག་བཞི་པའི་སྨྱུང་བ་བྱེད་ཅིང་ངའི་ཐད་དུ་འོངས་ནས་ངས་དེའི་ཞག་བཞི་པའི་སྨྱུང་བའི་ལྟ་བ་བསལ་བའི་ཕྱིར་སེམས
221a5 ཅན་ཐམས་ཅད་ཟས་ལ་བརྟེན་ཅེས་བྱ་བའི་ཚིགས་སུ་བཅད་པ་འདི་བསྟན་ཏོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་འོད་སྲུང་ཆེན་པོ་དང
221a6 རུས་གཅིག་པས་འདི་སྐད་ཅེས་གསོལ་ཏོ། །བཅོམ་ལྡན་འདས། ཐམས་ཅད་མ་ལུས་པ་ཇི་ལྟ་བུ་ལགས། ཐམས་ཅད་ཅེས་བགྱི་བའང་ཇི་ལྟ་བུ་ལགས། བཀའ་སྩལ
221a7 པ|་མ་ལུས་པའི་དོན་ནི། དགེ་བའི་ཕྱོགས་ཐམས་ཅད་རྟག་པའོ། །བདེ་བའོ། །ཞེས་བྱ་བ་ལྟ་བུའོ། །དེ་ལྟར་ན། ཁ་ཅིག་ནི། ལྷག་མ་ཡོད་པའོ། །ཁ་ཅིག་ནི། ལྷག་མ
iiif viewer powered by OpenSeadragon
