| e-texts navigator |
| Wylie |
220a1 གྱུར་པ་ལ་ཚིགས་སུ་བཅད་དེ་བཀའ་སྩལ་པ། ཐམས་ཅད་ཟས་ལ་བརྟེན་པ་ཡིན། །སེར་སྣ་མེད་པ་ཐམས་ཅད་གཡོ། ཟས་ཀྱི་ཉེས་པར་ནད་དུ་འགྱུར། །
220a2 ཚངས་པར་སྤྱོད་དང་འགྲོགས་ན་བདེ། །འཇམ་དཔལ་གྱིས་གསོལ་བ། བཅོམ་ལྡན་འདས། ཅི་ལགས། ཙུནྡའི་སྦྱིན་པ་ཆེར་གསོལ་ནས་ཞལ་ཟས་ཀྱི་ཉེས་པས་བསྙེངས་ལགས
220a3 སམ|་དེ་ནས་བཅོམ་ལྡན་འདས་ཀྱིས་འཇམ་དཔལ་ལ་འདི་སྐད་ཅེས་བཀའ་སྩལ་ཏོ། །སེམས་ཅན་ཐམས་ཅད་ཀྱང་ཟས་ལ་བརྟེན་པ་མ་ཡིན་ནོ། །སེར་སྣ་མེད་པ་ཐམས་ཅད་ཀྱང
220a4 གཡོ་བ་མ་ཡིན་ནོ། །ཐམས་ཅད་ལའང་ཟས་ཀྱི་ཉེས་པས་ནད་དུ་འགྱུར་བ་མ་ཡིན་ནོ། །ཆོས་སྤྱོད་པ་རྣམས་དང་འགྲོགས་སོ་ཅོག་ཀྱང་བདེ་བ་མ་ཡིན་ནོ། །འཇམ་དཔལ། གང་གི
220a5 ཚེ་ཁྱོད་ནད་ཀྱིས་ཐེབས་པ་དེའི་ཚེ་ངའང་ནད་ཀྱིས་ཐེབས་སོ། །དགྲ་བཅོམ་དང་ནི་རང་སངས་རྒྱས། །བྱང་ཆུབ་སེམས་དཔའ་དེ་བཞིན་གཤེགས། །དེ་དག་རྟག་ཏུ་ཟས་མེད་དེ། །
220a6 དེ་ནི་སངས་རྒྱས་ཆོས་ཉིད་དོ། །དགྲ་བཅོམ་པ་རྣམས་དང་། རང་སངས་རྒྱས་དང་། བྱང་ཆུབ་སེམས་དཔའ་རྣམས་དང་། དེ་བཞིན་གཤེགས་པ་རྣམས་ནི། ཞལ་ཟས
220a7 ཀྱང་མི་གསོལ་ལ། སྦྱིན་པ་འབུམ་ཕྲག་མང་པོའང་བཞེས་པར་མཛད་དོ། །སྦྱིན་པ་བླང་བར་བྱ་བའི་གདམས་ངག་ཀང་སྟོན་པར་མཛད་དོ། །སེམས་ཅན་རྣམས་སེམས་ཅན
iiif viewer powered by OpenSeadragon
