| e-texts navigator |
| Wylie |
21b1 གཅིག་ཏུ་འཁོད་དོ། །དེའི་ཚེ་སྲིད་པའི་རྩེ་མོར་སྐྱེས་པ་རྣམས་མ་གཏོགས་པར་གོང་མ་གོང་མའི་སེམས་ཅན་གཞན་གང་ཡིན་པ་དེ་དག་ཐམས་ཅད་བཅོམ་ལྡན་འདས་ལ་མཆོད་པ་བྱ་བའི་ཕྱིར
21b2 མཆོད་པ་རྒྱ་ཆེན་པོའི་ཚོགས་དང་ཆས་ཏེ་ལྷགས་ནས་སྔ་མ་བཞིན་དུ་ཕྱོགས་གཅིག་ཏུ་འཁོད་དོ། །མི་མཇེད་ཀྱི་བདག་པོ་ཚངས་པའང་ཚངས་རིས་ཀྱི་ལྷའི་བུ་དཔག་ཏུ་མེད་པ་དག་གིས་བསྐོར
21b3 ཞིང་མདུན་དུ་བདར་ཏེ་རང་གི་གཟི་བྱིན་གྱིས་ལྷ་ཐམས་ཅད་ཀྱི་གཟི་བྱིན་ཟིལ་གྱིས་མནན་ནས་མཆོད་པའི་ཚོགས་ཆེན་པོ་དང་ཆས་ཏེ་བཅོམ་ལྡན་འདས་ཀྱི་ཐད་དུ་དོང་སྟེ། དེ་དག་གི་བ་དན་ཕལ་པ་གང
21b4 ཡིན་པ་དེའང་ཚངས་པའི་འཇིག་རྟེན་ནས་འཕྱང་སྟེ་ཤིང་སཱ་ལ་ཟུང་གི་དྲུང་དུ་ཐུག་གོ། །དེས་ཀྱང་བཅོམ་ལྡན་འདས་ལ་ཞལ་ཟས་བཞེས་པར་གསོལ་བ་ལས་བཅོམ་ལྡན་འདས་ཀྱིས་མ་བཞེས་ནས
21b5 ཕྱོགས་གཅིག་ཏུ་འཁོད་དོ། །དེ་ནས་དེའི་ཚེ་ལྷ་མ་ཡིན་གྱི་དབང་པོ་ཐགས་བཟང་རིས་ལྷ་མ་ཡིན་གྱི་གཡོག་འཁོར་དཔག་ཏུ་མེད་པ་དང་བཅས་པས་ཚངས་པ་དང་། དབང་པོ་གཉིས་མ་གཏོགས་པར
21b6 དེའི་བར་གྱི་ལྷ་ཡོད་དོ་ཅོག་གི་འོད་རང་གི་འོད་ཀྱིས་མོག་མོག་པོར་བྱས་ནས་དེའི་རྐྱེན་དུ་འཚམ་པའི་མཆོད་པའི་ཚོགས་ལ། རྐྱེན་དུ་འཚམ་པའི་ཞལ་ཟས་དག་དང་ཆས་ཏེ་བཅོམ་ལྡན་འདས་ཀྱི་ཐད་དུ
21b7 སོང་ངོ་། །དེའི་གདུགས་ཕལ་པའང་ཆུ་ཞེང་དུ་འཇིག་རྟེན་གྱི་ཁམས་ཆུང་ངུ་ཁྱབ་པ་ཙམ་སྟེ། དེས་ཀྱང་བཅོམ་ལྡན་འདས་ལ་ཞལ་ཟས་བཞེས་པར་གསོལ་བ་ལས་བཅོམ་ལྡན་འདས་ཀྱིས་མ་བཞེས
iiif viewer powered by OpenSeadragon
