| e-texts navigator |
| Wylie |
219b1 པོ་བགྱིས་པ་ལགས་སོ། །ཕམ་པ་བགྱིས་པ་རྣམས་ནི། མི་བཟང་བ་ཞེས་བགྱི་སྟེ། དེ་དག་ཕུང་བར་བགྱིད་པ་དེ་དག་ནི། མི་བཟང་བ་ཞེས་བགྱིའོ། །དེ་བས་ན། དགའ་བ་ཐམས་ཅད
219b2 བཟང་བ་མ་ལགས་ན། ལྷའི་ཡང་ལྷ་སངས་རྒྱས་དེ་བཞིན་གཤེགས་པས་ཅི་ལས་དགོངས་ཏེ་དེ་སྐད་ཅེས་བཀའ་སྩལ་ལགས། དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར
219b3 གྱུར་པ་ལ་འདི་སྐད་ཅེས་བཀའ་སྩལ་ཏོ། །སངས་རྒྱས་ནི། རྒྱུ་མེད་པའི་དོན་དང་འགལ་བར་མི་གསུང་གི། རྒྱུ་དང་བཅས། རྐྱེན་དང་བཅས་པར་གསུང་སྟེ། རྒྱལ་པོའི་ཁབ་ན་ཁྱིམ་བདག
219b4 ཀོ་ཏ་ཀའི་བུ་མོ་རབ་བཟང་ཕའི་ཁྱིམ་དུ་སོང་ནས་རབ་ཏུ་འགྱུར་བའི་སེམས་སྐྱེས་ཏེ་དེ་བཞིན་གཤེགས་པའི་ཐད་དུ་སོང་ནས་བུད་མེད་དུ་གྱུར་པ་ནི། གཞན་གྱི་དབང་དུ་གྱུར་པ་ཡིན་ལ།
219b5 སྐྱེས་པར་གྱུར་པ་ནི། རང་དབང་ཅན་ཡིན་ནོ་སྙམ་དུ་བསམ་ནས་དེ་བཞིན་གཤེགས་པ་དང་། ཆོས་དང་། དགེ་སློང་གི་དགེ་འདུན་ལ་སྐྱབས་སུ་སོང་སྟེ། དེའི་རྟོག་པ་ཐུགས་སུ་ཆུད་ནས་བཅོམ
219b6 ལྡན་འདས་ཀྱིས། །གཞན་གྱི་དབང་གྱུར་ཐམས་ཅད་སྡུག། ཅེས་ཚིགས་སུ་བཅད་པ་དེ་སྐད་གསུངས་སོ། །བྱང་ཆུབ་སེམས་དཔའ་རྣམས་ཀྱི་ནང་ན་མིའི་ཁྱུ་མཆོག་འཇམ་དཔལ།
219b7 ལེགས་སོ། །ལེགས་སོ། །སེམས་ཅན་ཐམས་ཅད་ལ་ཕན་པའི་ཕྱིར་དགོངས་པའི་ཚིག་འདི་ང་ལ་ཞུས་པ་ལེགས་སོ། །དེ་ནས་བཅོམ་ལྡན་འདས་ཀྱིས་ཡང་འཇམ་དཔལ་གཞོན་ནུར
iiif viewer powered by OpenSeadragon
