| e-texts navigator |
| Wylie |
218a1 ཏེ|་ཚིགས་སུ་བཅད་པ་འདི་ནི། རྒྱལ་པོའི་ཁབ་ཀྱི་རི་དྭགས་ཀྱི་རྔོན་པ་ལས་བརྩམས་ནས་བསྟན་ཏེ། དེས་རི་དྭགས་བསད་ནས་ཤ་དང་ལྡན་པའི་ཟས་ཀྱི་སྦྱིན
218a2 པ་ལ་ང་སྤྱན་དྲངས་ནས་ངས་ཀྱང་དེས་སྤྱན་དྲངས་པ་ལ་གནང་ནས་སྒྲ་གཅན་ཟིན་དང་འདྲ་བར་ལྟ་བའི་ཚུལ་གྱིས་ཚིགས་སུ་བཅད་པ་འདི་སྐད་ཅེས་བྱས་སོ། །ཆད་པ་དག་གིས་ཐམས
218a3 ཅད་སྐྲག་། ཀུན་ལ་སྲོག་ནི་ཕངས་པ་ཡིན། །བདག་གི་ཉམས་ལས་དཔག་བྱ་ཞིང་། །བརྡེག་པར་མི་བྱ་གསད་མི་བྱ། །མིག་རྒྱང་རིང་དུ་ལྟོས་ལ་རིང་དུ་འཚོ་བར་གྱིས་ཤིག་།འཚེ
218a4 བ་མེད་པའི་རྟགས་ཀྱི་དོན་ཁོང་དུ་ཆུད་པར་གྱིས་ཤིག་། བྱང་ཆུབ་སེམས་དཔའ་རྣམས་ཀྱི་ནང་ན་མིའི་ཁྱུ་མཆོག་འཇམ་དཔལ། ལེགས་སོ། །ལེགས་སོ། །སེམས་ཅན་ཐམས་ཅད
218a5 ལ་ཕན་པའི་ཕྱིར་དགོངས་པའི་ཚིག་འདི་དྲིས་པ་དེ་ནི། ལེགས་སོ། །དེ་ནས་བཅོམ་ལྡན་འདས་འཇམ་དཔལ་གཞོན་ནུར་གྱུར་པས་ཚིགས་སུ་བཅད་པ་འདི་སྐད་ཅེས་གསོལ
218a6 ཏོ|་|མ་ལ་མཆོད་པའི་ཚུལ་གྱིས་ནི། །ཕ་མ་གཉིས་ལ་མཆོད་བགྱིས་ན། །བླ་མ་ལ་ཡང་གུས་གྱུར་ལ། །མནར་མེད་འཇིགས་པར་ཇི་ལྟར་མཆི། །དེ་ནས་བཅོམ་ལྡན་འདས་ཀྱིས་ཚིགས་སུ
218a7 བཅད་དེ་འདི་སྐད་ཅེས་བཀའ་སྩལ་ཏེ། འདིར་ནི་སྲེད་པ་མ་ཞེས་བྱ། །གཏི་མུག་ལ་ནི་ཕ་ཞེས་བྱ། །ཆོས་འདི་གཉིས་ལ་གང་མཆོད་པ། །དེ་ནི་མནར་མེད་འཇིགས་པར་འགྲོ། །དེ་ནས
iiif viewer powered by OpenSeadragon
