| e-texts navigator |
| Wylie |
217a1 སྐྲག་། ཀུན་ལ་སྲོག་ནི་ཕངས་པ་ཡིན། །བདག་གི་ཉམས་ལས་དཔག་བྱ་ཞིང་། །བརྡེག་པར་མི་བྱ་གསད་མི་བྱ། །དེ་ནས་བཅོམ་ལྡན་འདས་ལ་འཇམ་དཔལ
217a2 གཞོན་ནུར་གྱུར་པས་འདི་སྐད་ཅེས་གསོལ་ཏོ། །ཆད་པས་ཐམས་ཅད་སྐྲག་མི་འགྱུར། །སྲོག་ཀྱང་ཀུན་ལ་ཕངས་མ་ལགས། །བདག་གི་ཉམས་ལས་དཔག་བགྱི་ཞིང་། །ཐབས
217a3 ཀྱིས་བགྱི་བ་རྟོགས་པར་བགྱི། །དེ་བས་ན། བཅོམ་ལྡན་འདས་ཀྱིས་ཆོས་ཀྱི་སྒོ་དེ་སྐད་དུ་བཀའ་སྩལ་བ་ནི། ལེགས་པར་བཀའ་སྩལ་བ་མ་ལགས་ཏེ། དགྲ་བཅོམ་དང་ནི་འཁོར
217a4 ལོས་བསྒྱུར། །གླང་ཆེན་བུད་མེད་རིན་ཆེན་དང་། །ཁྱིམ་བདག་རིན་ཆེན་རྟ་རྣམས་ནི། །གནོད་པ་ཅིས་ཀྱང་མི་ཚུགས་སོ། །འདི་རྣམས་ལ་ནི། ལྷ་དང་། མི་དང་། ལྷ་མ་ཡིན་དུ་བཅས་པའི
217a5 འཇིག་རྟེན་ན་སུས་ཀྱང་གནོད་པ་བགྱིད་པའི་རྔོ་མི་ཐོགས་ཏེ། དགྲ་དྲག་ཤུལ་གྱི་སྟོབས་ཅན་རྣམས་ཀྱིས་ཀྱང་དེ་དག་ལ་གནོད་པས་ཚུགས་མི་སྲིད་ལགས་སོ། །དེ་དག་ནི། ལྷ་དང་།
217a6 བདུད་དང་། ཚངས་པ་རྣམས་ཀྱིས་ཀྱང་མི་འཇིགས་ལགས་སོ། །དེ་བས་ན། སེམས་ཅན་དེ་དག་ནི། ཅིས་ཀྱང་མི་ཚུགས་པ་ཞེས་བགྱི་ལགས་སོ། །གཡུལ་ངོར་གཅིག་ཏུ་དཔའ་བ་དང་།
217a7 གཅིག་ཏུ་ཁྱིམ་ཐབ་ལ་མི་འཁྲུལ་བའི་ཆུང་མ་དང་། སེངྒེ་དང་། སིནྡུ་བའི་རྟ་ཅང་ཤེས་དང་། དགེ་སློང་ཚུལ་ཁྲིམས་དང་ལྡན་པ་འདི་རྣམས་ནི། གནོད་པས་ཚུགས་པ་ལགས་ཀྱིས་ཀྱང
iiif viewer powered by OpenSeadragon
