| e-texts navigator |
| Wylie |
213b1 པར་ཚོར་ནས་ཡང་པོར་རོ། །དེ་ནས་དེས་ཀྱི་ཧུད་བདག་གིས་ས་བོན་ངན་པ་མ་རུང་བར་བྱས་སོ་སྙམ་དུ་བསམ་ནས་ས་བོན་དེ་ཕྱིར་རུས་པའི་ནང་དུ་བཅུག་ནས་ས་བརྐོས་པའི་འོག་ཏུ་བཅུག
213b2 སྟེ། འོ་མ་དང་མར་ཁུས་བླུགས་ལ་ཆར་ཆེན་པོ་རབ་ཏུ་ཟིན་ཀྱང་ས་བོན་ངན་པ་མ་རུངས་པར་བྱས་པ་སྐྱེ་བར་མི་འགྱུར་ཏེ། སྐྱེ་མི་སྲིད་དོ། །དེ་ནས་ས་བོན་འདི་ནི། མ་རུང་བར་བྱས་པ་ཡིན
213b3 ཏེ། སྐྱེ་བར་མི་འགྱུར་རོ་སྙམ་ནས་ངལ་བར་གྱུར་ཏེ་ཅང་མི་ཟེར་བར་འདུག་པ་དེ་བཞིན་དུ་འདོད་ཆེན་པ་ལའང་ས་བོན་མེད་དེ། འདོད་ཆེན་པ་འཆགས་ཤིང་བཟོད་པ་གསོལ་བའི་སེམས
213b4 བསྐྱེད་པ་ནི། མི་སྲིད་དོ། །དེ་བས་ན། འདོད་ཆེན་པ་དེ་ལྟ་བུ་ལ་ནི། ཐམས་ཅད་དུ་སྦྱིན་པ་འབྲས་བུ་ཆེ་བ་མ་ཡིན་ནོ། །དགྲ་བཅོམ་པ་རྣམས་ལ་ཕུལ་བའི་འབྲས་བུའང་ཐ་དད་དོ། །རང
213b5 སངས་རྒྱས་རྣམས་ལ་ཕུལ་བའི་འབྲས་བུའང་ཐ་དད་དོ། །དེ་བཞིན་གཤེགས་པ་རྣམས་ལ་ཕུལ་བའི་འབྲས་བུའང་ཐ་དད་དོ། །དེ་བས་ན། ཐམས་ཅད་དུ་སྦྱིན་པའི་འབྲས་བུ་ཆེ་བ་མ
213b6 ཡིན་ནོ། །གསོལ་པ། ཅིའི་སླད་དུ་བཅོམ་ལྡན་འདས་ཀྱིས་ཚིགས་སུ་བཅད་པ་འདིའི་དོན་རྣམ་པ་གཉིས་སུ་བཀའ་སྩལ་ལགས། བཀའ་སྩལ་པ། རྒྱུ་ལས་འགྱུར་ཏེ། སྔོན་རྒྱལ
213b7 པ་ཨོའི་ཁབ་ཀྱི་དགེ་བསྙེན་དད་པ་མེད་པ་གཅེར་བུ་པ་ལ་དགའ་བ་ཞིག་ཡོད་པ་དེས་ང་ལ་སྦྱིན་པ་བྱས་པ་ཅིར་འགྱུར་བ་དྲིས་པ་དེའི་ཚེ་དེ་དྲང་བའི་ཕྱིར་སྦྱིན་པ་ཀུན་ཏུ་བསྔགས་པ་ཡིན
iiif viewer powered by OpenSeadragon
